影片
更多
2019-05-23
31 浏览
今日同小朋友去学野，佢一放学见到呢块车仔面牌就话要试，其实佢5岁都未食过车仔面，出面真系越来越少餐厅有得食车仔面，所以难得见到连我都好想食，即时入座。不过当然同我以前食开嘅车仔面唔一样，这间感觉很新净，亦都十分卫生，车仔面始终系我嘅儿时回忆，食既时候都觉得非常怀念。小朋友叫咗番茄汤底，拣咗乌冬面俾佢食，汤底酸酸地好开胃。小朋友钟意食芝士肠，萝卜同埋佢最钟意嘅鸡翼，鸡翼我都试过好入味，小朋友唔使2分钟已经食晒两只，证明非常好味。我自己就比较贪心，叫咗个清汤底但就叫咗好多𩠌，包括有牛筋，冬菇，萝卜，酸斋等。牛筋劲大旧，每食一啖都好似食到骨胶原一样，感觉非常满足我叫清汤因为我想叫炸酱，辣辣地好好味，食到我零舍开胃，正！除咗车仔面我仲叫多咗两款小食，第一样就系炸鱼皮，每一次食车仔面都一定要点，脆卜卜好好食，小朋友都食到舔舔脷。另外一款就系油炸鬼鸡翼，系店员推介嘅，我见几得意就试吓⋯估唔到真系好好食，外边用油炸鬼炸起，好香脆，但系入边鸡翼依然可以保持住好多肉汁，鸡肉好鲜嫩，非常有惊喜，我哋叫咗咁多嘢食，初时仲以为会食唔晒，估唔到因为我实在太耐冇食车仔面，呢个回忆令到我十分开胃，叫咗咁多嘢我哋完全
今日同小朋友去学野，佢一放学见到呢块车仔面牌就话要试，其实佢5岁都未食过车仔面，出面真系越来越少餐厅有得食车仔面，所以难得见到连我都好想食，即时入座。不过当然同我以前食开嘅车仔面唔一样，这间感觉很新净，亦都十分卫生，车仔面始终系我嘅儿时回忆，食既时候都觉得非常怀念。
小朋友叫咗番茄汤底，拣咗乌冬面俾佢食，汤底酸酸地好开胃。
小朋友钟意食芝士肠，萝卜同埋佢最钟意嘅鸡翼，鸡翼我都试过好入味，小朋友唔使2分钟已经食晒两只，证明非常好味。
我自己就比较贪心，叫咗个清汤底但就叫咗好多𩠌，包括有牛筋，冬菇，萝卜，酸斋等。
牛筋劲大旧，每食一啖都好似食到骨胶原一样，感觉非常满足
我叫清汤因为我想叫炸酱，辣辣地好好味，食到我零舍开胃，正！
除咗车仔面我仲叫多咗两款小食，第一样就系炸鱼皮，每一次食车仔面都一定要点，脆卜卜好好食，小朋友都食到舔舔脷。另外一款就系油炸鬼鸡翼，系店员推介嘅，我见几得意就试吓⋯
估唔到真系好好食，外边用油炸鬼炸起，好香脆，但系入边鸡翼依然可以保持住好多肉汁，鸡肉好鲜嫩，非常有惊喜，我哋叫咗咁多嘢食，初时仲以为会食唔晒，估唔到因为我实在太耐冇食车仔面，呢个回忆令到我十分开胃，叫咗咁多嘢我哋完全冇浪费，竟然可以清晒佢，睇来我嘅减肥计划又要delay啦😅
张贴
