影片
更多
2024-09-03
380 浏览
喺渣甸街返咗差唔多两年工，拾味系我少数会回头帮衬嘅餐厅，不过今次先系我第一次食拾味嘅食评。其实我系无意中睇到下面留言话饺子有酸味，我心谂「我几乎每次叫刀削面都会食饺子，未试过出事㖞？」，所以今次就特登咩都唔食住，整走酱汁试咗粒饺子，结果都系冇酸味，味道冇问题甚至几好食嘅。饺子皮确实比较薄，不过我食开冇汤嘅热拌刀削面就冇问题，水饺跟汤面嘅话我都要试过先知。我一直都食开佢嘅猪脷同牛𦟌，今次冇点牛𦟌改食猪肚。包括刀削面在内，味道同咬口都系唔错嘅，唔会淋过头或者硬过头。楼下好似话冷面会唔熟？我食开热拌所以唔清楚，下次会试下佢熟唔熟。铜锣湾食饭，呢个价钱有呢种级数嘅份量同味道，我觉得合格有余。补充：我自己真金白银俾钱嗌外卖，从来都冇收过钱帮人写食评㗎㖞.... 外卖会有9折优惠，唔系当咗做我收人钱写食评啩？？？
其实我系无意中睇到下面留言话饺子有酸味，我心谂「我几乎每次叫刀削面都会食饺子，未试过出事㖞？」，所以今次就特登咩都唔食住，整走酱汁试咗粒饺子，结果都系冇酸味，味道冇问题甚至几好食嘅。饺子皮确实比较薄，不过我食开冇汤嘅热拌刀削面就冇问题，水饺跟汤面嘅话我都要试过先知。
我一直都食开佢嘅猪脷同牛𦟌，今次冇点牛𦟌改食猪肚。包括刀削面在内，味道同咬口都系唔错嘅，唔会淋过头或者硬过头。楼下好似话冷面会唔熟？我食开热拌所以唔清楚，下次会试下佢熟唔熟。
铜锣湾食饭，呢个价钱有呢种级数嘅份量同味道，我觉得合格有余。
补充：我自己真金白银俾钱嗌外卖，从来都冇收过钱帮人写食评㗎㖞.... 外卖会有9折优惠，唔系当咗做我收人钱写食评啩？？？
张贴
