一生懸麵

营业中

休息中

终于试到一直好想试嘅一生悬面(*≧ω≦)每次经过都见到大排长龙，所以冇办法之下，就叫外卖自取，估唔到质素都好好👍🏻 叉烧够大块，一般每碗都会有三小块笋，拉面会帮你分汤。▧ 辛辣沾面冇得选择辣度，个人来讲，辣度啱啱好呀~沾面汤底浓稠度刚刚好，够挂面，唔会太油腻。好钟意佢嘅辛辣味道，唔会留喺口腔好耐果种。沾面嘅面同拉面嘅面唔同，沾面嘅面质比较粗身，就可以挂上更多汤底，熟度同口感啱啱好▧ 海老拉面连同一小盒樱花干虾，可以加入汤底中，虾味够重，够浓，好味！拉面就用左较幼身嘅面条。▧ 外卖自取有九折优惠，质素咁高来讲，本身价钱已经好化算！已经好想再试佢其他嘅汤底及款式，系回头率好高嘅餐厅！