中央飯店

营业中

休息中

年尾同家人团年，家人受电视节目影响话好想食怀旧菜，订左中央饭店呢间充满儿时回忆既餐厅，事隔15年再次帮衬，带黎一围15人亲友团年，张枱好大，坐15个刚刚好不太逼，上菜了，炸大肠是1.5份，好酥脆，衬酸萝卜同甜酸汁一流。金银蛋菠菜，蒜子上汤无得输，霸王鸡，鸡肉又厚又滑，200蚊有咁大只，物超所值。三鲜骨髓1.5份，骨髓很香滑，仲有粟米仔好爽脆。炒鲜奶，其实似炒蛋白，有带子虾肉腰果碎，好滑，不过油略多。咕噜肉1.5份，非常大碟! 味道酸甜刚好，炸得香脆，唔会好厚粉。南乳斋煲，够惹味，茄子好食。金沙奶油大虾2份，用咸蛋黄牛油炒香，虾好大只，略为油腻。荔芋鸭1只，200蚊，荔芋好香，下面有带皮的鸭肉片，出面好少食得到。西米焗大布甸，呢个要早1日预订，上枱已经好香，入面夹有吉士奶皇莲蓉，唔会好甜，甜味主要来自莲蓉，个皮有焦糖效果，15个分光光。埋单2200蚊，团年大满足。ps 如果想食八宝鸭，糯米鸭，西米大布甸要隔日预订。