金饍韓國料理 (已結業)

买左150 蚊当300 蚊团购两张，买前做好OPENRICE RESEARCH 知道有二人餐约400 几，打定去问团购可否用于二人餐， 确认可以后就买左LA。点知到左后最平二人餐变左688。即系加一后起码要现金150。 都算LA，散叫，但系埋单后竟然收到张食满600蚊可用200蚊COUPON，上面写住推广二人餐520。成件事结论系无论买团购与否，二人餐都系四百几，根本无平过。好LA，以后唔买团购。食物方面，散叫一个拼盘＄438都几大碟，味道就麻麻。石头饭＄138 都OK，但侍应问我地使唔使分埋上，我地话自己捞得啦，点知佢就走左去，番来就分好了，好鬼古怪，于是我个饭就好快冻左了。各位唔想补水既团购朋友可以叫个拼盘叫个饭，份量价钱就刚好。我叫多左个海鲜煎饼，98蚊，完全食唔到海鲜，只是煎粉沟水，好难食。啤酒28 蚊只是一罐。