鳴虎 (北帝街) (已結業)

带狗狗到土瓜湾剪毛毛，剪完毛毛后便在附近食晚饭，土瓜湾附近有好多小店，唔系千篇一律嘅连锁食店，上次试完炸鸡米线后今次就食日本拉面。门口非常抢眼，用咗涂鸦艺术日本字印喺玻璃窗上，墙上挂上本月精选：火焰蕃茄拉面和东京鱼介汤沾面。Menu 内有四款拉面可供选择，另外有一些简单嘅日式小食。黑鸣虎$88呢个系博多黑蒜油拉面，拉面内有木耳，紫菜，糖心蛋，烧豚肉和白葱。小店秘制猪骨汤质地非常浓稠，猪骨味浓，黑蒜油味道恰到好处，唔会太抢，豚肉叉烧有两大块，火炙得有少少焦香。另外加咗碟青葱$8，青葱和白葱一齐食令到整碗面味道更加有层次。糖心蛋虽然侧边有少少熟，不过中间亦够流心，有好香嘅味醂味，由于原本嘅面只有半只糖心蛋，我哋额外叫多咗一只蛋$8 share，好满足。鸣海老$88猪骨汤底加上虾和樱花虾粉嘅拉面，汤底味道带有丰富嘅樱花虾味，非常鲜味和浓郁，其他配料和黑鸣虎嘅一样，个人喜欢面质偏软，汤底挂面一流。芝士鱼饼并鱼条$38鱼饼有两款，一款系扁形，一款系条型，两款味道其实系一样，扁形略为多少少芝士，口感略有不同，两款芝士味道亦够浓郁，而且亦好弹牙，有日式嘅味道。