影片
更多
2023-04-05
1855 浏览
先起九龙城卖越式法包，近排开到嚟土瓜湾专卖汤饭同卤味小食 (卤味小食多到成个柜都系）餐牌有九款汤饭选择，鸡牛猪羊海鲜都有，梗有款啱 佢啲名改得好搞笑，有个外卖叫咸湿仔，跟住个姐姐同厨房讲”喂，差个咸湿仔啊”😂▶️ 海底奇兵 ($68)原来可以拣饭/米线/河粉，我就当然试汤饭啦🍲汤底用猪骨、上等老鸡同瑶柱熬制，零味精👍🏻食完唔口渴，饮晒啲汤都仲得有老火汤嘅味道，海鲜料令佢偏鲜甜材料甚丰富：两只青口、两只海虾、两件鱿鱼、几只蚬、肉碎、冬瓜海鲜好无论口感定味道都唔觉似雪藏🦐两只虾连壳要自己搣，证明新鲜，肉质爽口唔老尤其钟意鱿鱼🦑食落爽弹唔难吞青口都唔错🦪蚬肉就一般不过冬瓜太生硬，可能需要熬耐啲，肉碎份量亦少咗啲🤏🏻🍚白饭加咗些少红米，饭质好食，浸起汤都唔会变烂饭，反而粒粒分明饱满，保持到质感，仲好索汤面头落咗葱同蒜呢啲天然调味料，令汤饭味道丰富又惹味啲另外仲可以加店舖自家制嘅辣菜脯，食落辣喉咙🌶️但系觉得佢菜脯切得太碎，欠缺脆卜卜嘅口感▶️ 还原妹猪汤 ($78)朋友叫嘅汤饭，材料系花胶、滑鸡同姬松茸，养颜滋补之选🐔滑鸡似白切鸡，有皮有骨，味道正常，唔系特别滑嫩朋友话花胶太薄同偏软，唔系太啱佢口味
餐牌有九款汤饭选择，鸡牛猪羊海鲜都有，梗有款啱
佢啲名改得好搞笑，有个外卖叫咸湿仔，跟住个姐姐同厨房讲”喂，差个咸湿仔啊”😂
▶️ 海底奇兵 ($68)
原来可以拣饭/米线/河粉，我就当然试汤饭啦🍲
汤底用猪骨、上等老鸡同瑶柱熬制，零味精👍🏻食完唔口渴，饮晒啲汤都仲得
有老火汤嘅味道，海鲜料令佢偏鲜甜
材料甚丰富：两只青口、两只海虾、两件鱿鱼、几只蚬、肉碎、冬瓜
海鲜好无论口感定味道都唔觉似雪藏
🦐两只虾连壳要自己搣，证明新鲜，肉质爽口唔老
尤其钟意鱿鱼🦑食落爽弹唔难吞
青口都唔错🦪蚬肉就一般
不过冬瓜太生硬，可能需要熬耐啲，肉碎份量亦少咗啲🤏🏻
🍚白饭加咗些少红米，饭质好食，浸起汤都唔会变烂饭，反而粒粒分明饱满，保持到质感，仲好索汤
面头落咗葱同蒜呢啲天然调味料，令汤饭味道丰富又惹味啲
另外仲可以加店舖自家制嘅辣菜脯，食落辣喉咙🌶️但系觉得佢菜脯切得太碎，欠缺脆卜卜嘅口感
▶️ 还原妹猪汤 ($78)
朋友叫嘅汤饭，材料系花胶、滑鸡同姬松茸，养颜滋补之选
🐔滑鸡似白切鸡，有皮有骨，味道正常，唔系特别滑嫩
还原妹猪汤
$78
66 浏览
0 赞好
0 留言
朋友话花胶太薄同偏软，唔系太啱佢口味，不过汤底好香鸡味
▶️ 卤水糖心蛋 ($18)
一盒两只，呢只鸡蛋特别巨型，外型呈深啡色，明显卤咗好耐
切嘅时候感觉到有啲「阻力」，有少少台式铁蛋feel (不过当然冇咁硬)
果然味道超入味，咸中带些少甜🤤连蛋黄都够咸香，用嚟配清淡嘅汤饭一流
佢个蛋黄除咗晶莹剔透之外，有啲gel 黏黏地嘅感觉，好正！
有趣地蛋白有两层🥚有层次口感
呢个非一般嘅卤水糖心蛋一定要试❗️食完好惊喜，同拉面店食到嘅唔同
卤水糖心蛋
$18
55 浏览
0 赞好
0 留言
-
汤饭冇令我失望，汤底鲜甜健康，钟意佢用真材实料🫶🏻卤水蛋尤其正，会有兴趣试埋其他卤味，见佢啲醉虾醉鸡唔错😍价钱亦唔贵
舖头位置吊脚，地铁站行出嚟行一阵先到
入面环境亦比较细，只系得四张枱，容纳到10个食客左右，所以晏昼嚟都坐满
姐姐服务几好，主动问客人食唔食辣然后介绍辣菜脯，又会同啲熟客倾吓计 (听到有个熟客话听日再嚟食）
上菜速度快，落完单唔使5分钟就嚟，卖相仲要唔求其
海底奇兵
$68
50 浏览
0 赞好
0 留言
价钱虽然贵过茶餐厅，但有呢个质素绝对值得，冇得比较～
难怪一路食见到唔少人嚟买外卖🥡佢啲外卖都装得好有心思，唔系普通发泡胶，冇咁容易倒泻
大家嚟土瓜湾区不妨支持下呢间隐世小店🥰
张贴
