重慶小食

营业中

休息中

夜晚去葵涌剧院睇话剧，朋友建议去葵涌广场扫街。我脑海里立即飘过鱼蛋、鱼肉生菜、碗仔翅，但原来宜家唔再兴呢啲20世纪末的扫街小食，取而代之的是媲美酒店级别的甜品小食。【葵涌广场扫街连环出击】🚀第三击扫街第三击，食凉皮！店铺好多人排队，虽然阿姐已经密密做，冇停手，可想而知生意几好。有三种面食选择，有凉皮、凉面和酸辣粉，另加唔同食材。阿姐快手从玻璃柜取出食物材料，搅拌后装盒交货，好快手。就算客人三心两意、改嚟改去或者慢吞吞，都唔会有怨言。我叫咗手工凉皮，加莲藕片和青瓜，中辣。朋友点咗凉皮加腐竹、海带丝和鸡肉，小辣。凉皮好滑，莲藕青瓜清爽，虽然系中辣，但仍然觉得唔够辣，唔够爽，下次要点大辣。朋友𠮶份就清淡啲。一路食，一路觉得好过瘾，商场扫街，都系第一次。葵涌广场扫街连环出击，完结。