曼谷車站

营业中

休息中

第一次嚟呢个商场，一边行...跟著餐厅指示牌，揾到呢间泰国餐厅...疫情关系，一于外卖返屋企慢慢叹。午市套餐超抵食，四十几蚊跟埋饮品，绝对系街坊价😍「正宗泰式海南鸡饭」配黄油饭，海南鸡起哂骨啖啖肉，鸡味好香好滑👍🏻「泰式金边粉」份量都好多，吱几滴鲜青柠汁，少少辣，好惹味。「青咖哩牛腩饭」众多咖哩，最钟意青咖哩，劲香浓，加入牛腩简直系完美配搭。「椰汁西米糕」系泰式甜品必食之选，米西夹杂著芋头粒，好好味。「蒜蓉包」外卖持到返去依然脆卜卜。疫情缓和，下次一定再嚟堂食，试埋个冬阴功汤。