影片
更多
2022-10-07
1263 浏览
难得放工比较早，赶得切返番去西营盘先食晚饭😁。我哋想食西餐，而高街嘅餐厅都经已食匀，所以就向下路出发，并拣选咗位于电车路嘅「Bistro Breton by La Creperie」。我哋之前食过湾仔嘅La Creperie，西营盘店系佢嘅姐妹店，但整个感觉好唔同，因为呢度除咗法式薄饼之外，仲多好多其他菜式🍽。外籍店员亲切有礼，并主动介绍菜式。我哋嗌咗一份二人套餐Set Dinner for Two👫($558)，套餐内容丰富，而且每个项目都有得自选款式。呢个价钱喺港岛区嚟讲，真系唔算贵。Brittany Fish Soup，🐟来自法国西北部嘅鱼汤非常好味，鱼香浓郁，但一啲都唔腥。颜色呈啡橙色，有啲似龙虾汤，然后同店员倾开偈，佢赞我观察力好👀，因为餐厅所拣嘅鱼种都系喺石涧游走，同龙虾有类同嘅习性。鱼汤配以芝士同脆面包一齐食，芝士遇热汤即溶变拉丝🧀，进一步提升滋味。Octopus Carpaccio(+$28)，🐙八爪鱼薄片几得意，因为多数食嘅系带子生鱼片。呢款前菜嘅八爪鱼系经已整熟咗，所以唔食刺身嘅都啱食。佢切法好独特，片得好薄，似处理过先切。薄片配以青柠汁同青瓜粒🍋，食落既清新又开胃
难得放工比较早，赶得切返番去西营盘先食晚饭😁。我哋想食西餐，而高街嘅餐厅都经已食匀，所以就向下路出发，并拣选咗位于电车路嘅「Bistro Breton by La Creperie」。
我哋之前食过湾仔嘅La Creperie，西营盘店系佢嘅姐妹店，但整个感觉好唔同，因为呢度除咗法式薄饼之外，仲多好多其他菜式🍽。外籍店员亲切有礼，并主动介绍菜式。
我哋嗌咗一份二人套餐Set Dinner for Two👫($558)，套餐内容丰富，而且每个项目都有得自选款式。呢个价钱喺港岛区嚟讲，真系唔算贵。
Brittany Fish Soup
44 浏览
0 赞好
0 留言
Brittany Fish Soup，🐟来自法国西北部嘅鱼汤非常好味，鱼香浓郁，但一啲都唔腥。颜色呈啡橙色，有啲似龙虾汤，然后同店员倾开偈，佢赞我观察力好👀，因为餐厅所拣嘅鱼种都系喺石涧游走，同龙虾有类同嘅习性。鱼汤配以芝士同脆面包一齐食，芝士遇热汤即溶变拉丝🧀，进一步提升滋味。
Octopus Carpaccio
32 浏览
1 赞好
0 留言
Octopus Carpaccio(+$28)，🐙八爪鱼薄片几得意，因为多数食嘅系带子生鱼片。呢款前菜嘅八爪鱼系经已整熟咗，所以唔食刺身嘅都啱食。佢切法好独特，片得好薄，似处理过先切。薄片配以青柠汁同青瓜粒🍋，食落既清新又开胃。
Tiger Prawns Pasta
22 浏览
0 赞好
0 留言
Tiger Prawns Pasta，🍝虎虾意粉各方面都整得好好，面条煮得弹牙、富嚼劲，兼且相当挂汁，每条都染上红色。酱汁由蕃茄同红酒汁沟成🍷，惹味得嚟唔抢，而且仲同虎虾好搭调。虎虾有三只，哈哈哈，🦐虾肉坚大只，肉质爽弹，且富鲜香，用料绝不马虎。
Duck Confit
26 浏览
0 赞好
0 留言
Duck Confit，油封鸭腿造型正正常常🍗，不过一食就能显出佢比其他餐厅嘅出品优秀。鸭肉先经过盐腌，然后再用油封存，所以自身已带味道，但又唔会过咸。鸭皮唔算脆，但鸭肉软嫩，一切就离骨。再拌埋橙酱食🍊，锦上添花。伴旁嘅薯蓉亦同样出色，唔会被遗忘，估计应该落得够多牛油，所以口感绵滑。
Crêpe La Liégeoise
27 浏览
0 赞好
0 留言
Crêpe La Liégeoise，就咁睇菜式名当然唔知系乜啦🙈，好彩餐牌有列出有乜食材。呢款可丽饼甜品包含朱古力雪糕🍨、海盐牛油焦糖酱、忌廉同烤果仁等。甜薄饼稳定地好食，薄饼皮透薄，兼且煎得好香，而其他食材就系大路嘢，成个组合好夹，甜度适中。
总括嚟讲，喺呢间法式小餐馆能够品尝到正宗滋味🇫🇷，佢唔系Fine Dining𠮶种法国菜，而系比较大众化嘅地道菜式，比一般牛扒西餐特别少少，唔系四周围都有得食。整体而言，餐厅几值得推介啊👍。
张贴
