影片
更多
2013-04-20
1436 浏览
小弟由几年前搬入涌美村后, 大大话话都帮衬呢间车仔面已经好几年, 就系今日, 就等我呢个"为食高登仔", 讲下呢间车仔面, 点解咁得我欢心啦位置:呢间车仔面既铺位, 其实位处于涌美村内, 如果系第一次去揾呢间车仔面既朋友, 不妨可以多口问句村内既街坊, 我谂啲街坊, 都会好乐意话俾大家知"华记小食店”系村内边个位置服务态度:其实大家黎得车仔面档食嘢, 都唔好谂住会有高级餐厅既服务, 不过讲亲切度, 呢间车仔面档既每一个员工, 绝对俾到你, 甚至有一次, 我叫太多𩠌(约六个), 佢地都担心我食唔晒, 建议我可以叫少一至两样𩠌 环境:呢间车仔面档, 对出系一片竹林, 望落去其实都几清幽舒服, 不过我建议店主, 可以增添一把大风扇, 因为系夏天既炎热期间, 既可令啲客人, 坐得更加舒服, 又可以驱蚊, 可以话系”一举两得”食物质素:好! 终于黎到呢个Topic, 首先我要讲呢间车仔面档既食物质素, 其实都几高下, 但系相对地每个𩠌既价钱, 亦都贵市面既车仔面档一, 两蚊牛腩, 牛根: 其实煮得几淋, 不过有时好似煮得唔太入味猪肠: 食得出, 店主用既系新鲜猪肠, 煮得好入味, 推介, 小弟其
位置:
呢间车仔面既铺位, 其实位处于涌美村内, 如果系第一次去揾呢间车仔面既朋友, 不妨可以多口问句村内既街坊, 我谂啲街坊, 都会好乐意话俾大家知"华记小食店”系村内边个位置
服务态度:
其实大家黎得车仔面档食嘢, 都唔好谂住会有高级餐厅既服务, 不过讲亲切度, 呢间车仔面档既每一个员工, 绝对俾到你, 甚至有一次, 我叫太多𩠌(约六个), 佢地都担心我食唔晒, 建议我可以叫少一至两样𩠌
环境:
呢间车仔面档, 对出系一片竹林, 望落去其实都几清幽舒服, 不过我建议店主, 可以增添一把大风扇, 因为系夏天既炎热期间, 既可令啲客人, 坐得更加舒服, 又可以驱蚊, 可以话系”一举两得”
食物质素:
好! 终于黎到呢个Topic, 首先我要讲呢间车仔面档既食物质素, 其实都几高下, 但系相对地每个𩠌既价钱, 亦都贵市面既车仔面档一, 两蚊
牛腩, 牛根: 其实煮得几淋, 不过有时好似煮得唔太入味
猪肠: 食得出, 店主用既系新鲜猪肠, 煮得好入味, 推介, 小弟其实对猪肠都几重口味, 因为自己好钟意猪肠既”膏香味”, 所以小弟每次叫猪肠既时侯, 都一定要求系”肥肠”, 各位如果好似我咁重口味, 都不妨一试, 因为实在太香啦
萝白: 抵食夹大件, 煮得够淋又入味, 仲要系无根, 所以食落好爽口, 听讲店主为求高质素, 入既萝白系韩国货, 而唔系内地货
红肠: 店主用煎既方法去处理, 加上炸蒜放红肠上面, 令红肠香上加香
鱼肉春卷: 好似食鱼肉腐皮卷一样, 又香又好味
炸鱼皮: 呢味𩠌睇落好普通, 但系食落, 一定令大家哗一声, 因为实在太脆啦, 我敢保证, 炸鱼皮一定唔会令大家失望
炸鸡翼: 绝对系呢间车仔面档既招牌菜, 店主选用既鸡翼真系好厚肉, 而且仲将鸡翼既皮, 炸到好似食薯片一样咁脆, 真系会令大家一试难亡
其实, 呢间车仔面档, 仲有两个配角(调味料)系好出名
咖哩汁: 咖哩味浓郁惹味, 唔会得个辣字
辣椒油: 呢间车仔面档既辣椒油, 系自制既, 吃得出辣椒油, 辣中带香, 不过我建议大家, 第一次试呢只辣椒油时, 唔好落太多, 一匙便可, 因为咁样做, 既可吃到辣椒油既辣味, 又唔会盖过汤既甜味
题外话/补充资料：
[b]最后一定要提醒各位, 呢间车仔面档既营业时间, 只不过去到下午三时左右, 如果各位真系要去品尝, 唯有早少少起身啦[/b]
(以上食记乃用户个人意见 , 并不代表OpenRice之观点。)
张贴
