Coffee Art

营业中

休息中

星期四晚揾个朋友吹吓水, 行到宝琳𠮶边见到有一间好特别嘅Coffee shop,系将军澳区比较少有。咁啱我个朋友系好钟意饮咖啡。我哋见到佢夜晚嘅set dinner 都好吸引。但系就系唔想食意粉饭类，所以试咗佢哋嘅小食，分量比我想像中大，我哋两个女仔当正餐食都够。我哋叫咗一个白酒煮蚬同埋我最钟意食嘅炸鱼柳, 写明系深海鱼柳嚟㗎🐠，另外就叫咗两杯饮品。先来左一个白汁煮蚬，非常之鲜甜份量应该有18至20只到。大细适中，调味恰宜。好想饮埋啲汁佢😂另外鱼柳到啦，见到系有一定厚度，肉质juicy,炸浆开得非常之恰当，松脆得来系有啲口感，唔系𠮶啲成口粉。饮品方面，我哋叫左一杯Cappuccino咖啡 and 好少见嘅海盐朱古力。两杯师傅都好有心机画上唔同嘅拉花。特别系海盐朱古力，非常之惊喜呀，上面系画左一个似系孙悟空嘅图案非常之有趣，打卡一流，而味道非常特别，海盐中和左个朱古力嘅甜，口感好舒服。成为一餐饭嘅完美ending。到左收银旁边俾钱，留意到原来佢哋攞过奖仲要系第一名拉花，唔怪得拉花咁靓啦。多谢师傅嘅用心，希望去逆境当中你哋加油💪🏻。