影片
更多
2018-04-04
319 浏览
眼见同胖侣嘅周年纪念日迫在媚捷，正费煞思量紧去边度食饭之际，竟然俾我发现到呢间位于铜锣湾嘅海景铁板烧，格调之高雅正中我嘅下怀，毫无悬念立即卜突。餐厅位于登龙街口既一幢新大厦入面，The V point既28楼，新大厦就连下面个lift lobby都特别前卫，一上到去打开lift门更加不得了，个Reception grand得嚟又有型格，有型格之余又不失高雅；入到去铁板枱𠮶边更加不得了，面对住一个打开咗褶门既balcony，下面系180度既无敌海景，喺一个咁既环境之下食呢一餐周年纪念日饭，酒不醉人，人自醉了。嗌咗两个set dinner，贪佢样样都有啲，首先嚟既系季节精选前菜，最左手边既系浜头渍鲑鱼鼻头，咁刁钻既部位都系第一次食，口感介乎牛筋同猪耳之间，味道酸酸甜甜，够哂开胃；中间既系胡麻豆腐，个豆腐非常独特，有浓郁既芝麻香之余又有少少立糯既口感，个口感有啲似cheese cake，真系估佢唔到豆腐能够有呢个口感；白饭鱼玉子，微甜既日本玉子同白饭鱼既味道都好夹，前菜都经已咁精彩，令我对随后既更加满心期待。精选刺身三款，分别系牡丹虾，针鱼同埋左口鱼；喺牡丹虾上面仲有白虾同经过烘烤嘅樱花虾，
餐厅位于登龙街口既一幢新大厦入面，The V point既28楼，新大厦就连下面个lift lobby都特别前卫，一上到去打开lift门更加不得了，个Reception grand得嚟又有型格，有型格之余又不失高雅；入到去铁板枱𠮶边更加不得了，面对住一个打开咗褶门既balcony，下面系180度既无敌海景，喺一个咁既环境之下食呢一餐周年纪念日饭，酒不醉人，人自醉了。
嗌咗两个set dinner，贪佢样样都有啲，首先嚟既系季节精选前菜，最左手边既系浜头渍鲑鱼鼻头，咁刁钻既部位都系第一次食，口感介乎牛筋同猪耳之间，味道酸酸甜甜，够哂开胃；中间既系胡麻豆腐，个豆腐非常独特，有浓郁既芝麻香之余又有少少立糯既口感，个口感有啲似cheese cake，真系估佢唔到豆腐能够有呢个口感；白饭鱼玉子，微甜既日本玉子同白饭鱼既味道都好夹，前菜都经已咁精彩，令我对随后既更加满心期待。
精选刺身三款，分别系牡丹虾，针鱼同埋左口鱼；喺牡丹虾上面仲有白虾同经过烘烤嘅樱花虾，牡丹虾颜色艳红，爽口弹牙，肉身胶质颇重，虾味浓郁；白虾肉质甜美，夹埋烘得香脆嘅樱花虾，吊番出牡丹虾嘅鲜甜，甚有层次；针鱼属于高级刺身用鱼，生长于北海道既冷水区域，肉质结实弹牙，味道非常鲜甜，油分唔会太多；左口鱼肉较结实，鱼油不及鱼边丰富，但胜在鲜味甘香，刺身伴菜有鸡冠草同四季红等，系高级日本餐厅常用既伴菜，蕴含多种丰富的矿物质与营养，多吃有益。
南非鲍鱼伴生海苔蟹肉汁，眼见南非鲍鱼煮之前喺铁板上激烈扭动，𠮶一份新鲜令人磨拳擦掌，鲍鱼个子不少，都要分成五六啖先至食得哂，松叶蟹肉汁清清地，加上面头蟹子既咸鲜提味，味道啱啱好。
大虾配山葵忌廉汁，大虾烧得香脆，十分新鲜，厨师用埋虾头既虾膏，捞埋少少日本酱油调味，再均匀蘸满虾身，本身经已惹味非常，点少少山葵忌廉汁，又系另一番风味。
地蛤清酒煮， 地蛤系一种比较大只嘅蚬，肉质肥厚，满溢鲜美，蛤肉既味道十分鲜甜，以清酒煮味道十分相配。
日本水果蕃茄沙律，喺海鲜同和牛之间有呢个清新既沙律作为间场，餐厅选用静冈县嘅蕃茄，静冈蕃茄皮厚瓤少，有质感，味道超甜香，有丰富既维他命C ，更有抗氧化同美白等作用，沙律既调味系山葵酸汁，令人生津，为稍后既和牛作出一个好好既序幕。
日本宫崎A5和牛薄烧 / 厚烧伴温室野菜，称得上「宫崎牛」要通过脂肪、肉质同霜降三项审查，全部都系A4或者A5级先至可以称为「宫崎牛」；日本和牛分成A、B、C三个等级，A、B、C既分节即系喺分切，修清既时候，留下最多可以食用精肉既多寡，越多既就系A级；再由油花判断分为1、2、3、4、5等5个等级，5级就代表雪花油脂系最均匀最细致既，所以A5系日本和牛之中最高级既等级。和牛油花雪白，可以食到油脂独特的香气，恰到好处既霜降化身成令人惊叹既入口即溶肉质，再加上煎香后香气四溢，食欲再也按捺不住了，无论伴以炸蒜片或者系香草海盐都一样美味，这就是A5级既实力。
白饭鱼苗姜粒炒饭，赤面豉汤，新香物牛蒡渍黄萝白醋渍蒜头，饭粒炒得粒粒分明，选用既日本米口感烟靭，加埋鱼苗同埋姜粒既香味，呢一个作结既淀粉质令人满足；新香物系牛蒡渍，黄萝白同醋渍蒜头，攞嚟𩠌饭一流。
最后甜品系抹茶布甸，上面铺咗少少金薄，更添贵气，抹茶味十分浓烈，自问系抹茶控既朋友可以嚟试吓㖞。
喺今时今日，铁板烧开到成行成市嘅年代，能够有一间嘅食物有咁高质素，仲要有个180度海景嘅相信唔系咁易揾，放下日间的追追赶赶，同摰爱嘅人一齐共晋晚餐实属每日嘅小确幸。
张贴
