樹屋 (太古坊)

营业中

休息中

是日同朋友出入鲗鱼涌繁忙商业地带，竟然有间素食餐厅俾咗个 sweet surprise 我哋，就系位于林肯大厦嘅 Treehouse 钟意蘑菇嘅我，拣咗有齐特制豆腐、豆角、烧蘑菇、腌青瓜嘅 Half and half Musella 沙律碗（配藜麦）($88)Musella 整体食落好清新，醇厚味噌酱，配上爽脆豆角、香喷喷烧蘑菇、豆味浓郁特制豆腐，同醒胃腌青瓜，俾人感觉唔似食紧素，似肉菜兼备嘅盛宴，好啱平时肉菜都食嘅人探索素食嘅入手点而且藜麦健康得嚟又饱肚（其实其他纤维高嘅材料都好饱肚），啱晒想食嘢又唔想增重人士另外，我哋试埋 Banyan Sourdough Flatbread ($78)，主要馅料有印尼传统发酵黄豆制品天贝、炸茄子、蒜香鹰嘴豆泥、椰菜、蕃茄同富芒果香味嘅中东安巴酱最惊艳嘅系印尼天贝，味道就好似蛋黄咁，好浓郁好香 炸茄子亦都好惹味，配埋其他馅料，食到 lam lam 脷 不得不提Sourdough Flatbread 嘅微酸味同麦香特别怡人，呢种香味实在唔容易喺其他地方揾到，令我对成个Banyan Sourdough Flatbread 念念不忘呢一餐最具玩味嘅一味