Delish Kitchen by ALOT

营业中

休息中

老友吹鸡出黎食嘢，大家都无idea。谂起Airside开幕后一直未去过，即管去𠮶边逛下，事先上openrice拣左呢间餐厅。在餐厅外望唔觉有咩特别，行入去就觉得好宽敞，透过落地玻璃望住出面天阴阴落雨，在室内感觉好悠闲舒服。个月球加埋啲剪纸装饰，简约中有艺术感。望住啲餐具都觉得好靓，食都食得开心啲。我地叫左4个lunch。首先上枱嘅忌廉磨菇汤，入口啖啖足料磨菇粒，浓郁creamy。  沙律超乎想像大碟，蟹籽蟹肉咸香，配上胡麻酱汁，整体口感清爽。汉堡肉汁满满，加埋芝士和洋葱，非常惹味。值得一赞系蕃薯条唔驶点松露酱都非常可口。朋友仔话呢个黑毛猪似叉烧，可能系梅头扒嘅关系，但仍然相当好食嘅。牛扒熟度刚好，肉味香浓，肉质软熟，不用点任何酱汁都好味到震。外脆内软嘅薯条，虽然都好食，但大家都要留翻个胃食甜品。4个甜品互相辉映。柠檬批微酸醒胃; 麻糬嘅玫瑰味芳香四溢; 千层酥松脆，吉士香滑; 芝士蛋糕甜度适中，配上柚子酱一啲都唔腻。加埋四杯饮品，一坐就坐左4个钟，假日最写意嘅享受，莫过于此。