影片
更多
2020-11-28
1197 浏览
早前约了友人在此食lunch，结果系中伏。进入餐厅内，发现地板系十年无拖过地，黐立立到一个点系黐住我对平底鞋，要大力抽起只脚先行到，个地下真系好污糟。我已经早一星期前就用openrice订12：15pm，结果都系被安排坐系另一枱客嘅隔离，但系因为块胶板面积太细，基本上隔离讲嘢嘅口水系可以飞过黎我个边，如果有食客因此中招，间餐厅就十四日唔洗开门做生意。坐低后，侍应问我饮咩茶，我话要香片，跟住佢先话无，只有三款可以拣，我心谂你一早又唔讲？然后我求其叫咗四季春。之后侍应就话可以扫QR code点菜。我扫了QR code后，睇下有咩食，然后友人到了，我地便开始点菜，拣好后准备确认时，居然问我取餐时间，原来系叫外卖! 点唔到菜，唯有叫侍应，但无人理我地，等了3分钟才有人过黎。跟住个侍应想掂我部手机，我即刻喝住佢唔好，因为我唔想之后又要消毒部手机，个侍应唯有叫我按去前页，我依佢指示做，但都只系显示取餐时间，侍应只好叫经理过黎，经理望了我手机后，要求影低俾佢去投诉，之后先肯死死地气俾张点心纸，前后用了十分钟。如果阁下唔系有两个钟头食lunch，千期唔好去呢度。由于我见到隔离枱食龙虾，所以想点，但系点
进入餐厅内，发现地板系十年无拖过地，黐立立到一个点系黐住我对平底鞋，要大力抽起只脚先行到，个地下真系好污糟。
我已经早一星期前就用openrice订12：15pm，结果都系被安排坐系另一枱客嘅隔离，但系因为块胶板面积太细，基本上隔离讲嘢嘅口水系可以飞过黎我个边，如果有食客因此中招，间餐厅就十四日唔洗开门做生意。
坐低后，侍应问我饮咩茶，我话要香片，跟住佢先话无，只有三款可以拣，我心谂你一早又唔讲？然后我求其叫咗四季春。之后侍应就话可以扫QR code点菜。
我扫了QR code后，睇下有咩食，然后友人到了，我地便开始点菜，拣好后准备确认时，居然问我取餐时间，原来系叫外卖!
点唔到菜，唯有叫侍应，但无人理我地，等了3分钟才有人过黎。跟住个侍应想掂我部手机，我即刻喝住佢唔好，因为我唔想之后又要消毒部手机，个侍应唯有叫我按去前页，我依佢指示做，但都只系显示取餐时间，侍应只好叫经理过黎，经理望了我手机后，要求影低俾佢去投诉，之后先肯死死地气俾张点心纸，前后用了十分钟。如果阁下唔系有两个钟头食lunch，千期唔好去呢度。
由于我见到隔离枱食龙虾，所以想点，但系点心纸无，结果又要叫侍应过黎问，佢话系套餐黎嘅，我地问系边度，佢因为太心急，结果将其中一块餐牌整跌咗系地下，佢即刻执番就放番系我地枱面，但由于地下实在太污糟，吓到我朋友即刻攞番起，然后又要叫经理过黎点个餐同埋攞走所有嘅餐牌。
随后上菜时，因为张枱太细，基本上放唔到咁多嘢，所以用餐感觉一般。
经过以上嘅经历，我地已经将呢间餐厅列入黑名单。
张贴
