Cabana Breeze (已結業)

由于黎紧个星期去旅行，所以去东涌买番个喼。当然，去Shopping前要补充体力，而我每次黎到东涌都会去Sheraton的湾景荟Chill一Chill! 今次就拣左充满地中海风情的Cabana Breeze。环境方面无论室外或室内都无得输，室外就有类似帐篷的包厢，而室内四周都色彩艳丽。至于食物方面除左地中海菜外，都有西式食物，例如扒类、意粉同埋Pizza，而今次就叫左呢度出名的烧春鸡同埋海鲜Pizza，再加一杯特饮 Exotic Breeze!首先烧春鸡上枱后已经香喷喷，鸡皮烧得岩岩好，带少少焦香，而鸡肉够Juicy。最特别反而系加上香草面包糠，另外鸡肉加左成条Rosemary焗，所以成只鸡都充满香料味。而配菜系烤薯仔同紫薯，沾上鸡汁都好惹味。之后就系海鲜Pizza，呢度的Pizza 除左系手工Pizza，即叫即整外，仲有提供专用石窑炉烤焗Pizza，所以个薄饼皮特别香脆! 而Pizza面的海鲜同芝士好似唔使钱咁，铺满成块Pizza，配上惹味的番茄酱，加上份量大，最后食唔晒要拎走番屋企焗番黎食!无论环境同食物质素都唔错，另外仲人狗共融，大家如果用Weekend Chill可以考虑呢度，带