想甜嚐甜 (已結業)

最近教会斜路开左一间新嘅甜品舖，老实讲𠮶个位几乎开乜都好快就折，但今次呢间甜品舖，每一晚都要排队入去，每每都等你几个字，睇嚟都应该可以顶到一段时间。我今日就同左男朋友去试一试。单系呢一客玫瑰荔枝心太软+薰衣草乳酪雪糕卖相真系好吸引，而且味道仲唔差添，玫瑰荔枝唔会太漏，而且个心太软热辣辣，食入口嘅质地非常软熟，表面洒上糖霜，味道不错。而雪糕嘅薰衣草唔算太浓，其实呢一个都系卖点，因为太浓嘅话感觉真系同食草差唔多。伴上一啲玄米，食入口有脆卜卜嘅口感。至于呢个紫薯奶冻就俾佢个卖相呃哂，因为好似个样真系几好食咁，加上个容器又吸引可惜嘅系奶冻劲快溶，而且紫薯只系表面，而且食入口个奶冻好淡，无乜紫薯味，有啲失望。