走肉蔬食研究所 (已結業)

D2 Place有好多餐廳選擇，行行下見到一直想試的素食，menu上面的選擇都好得意好吸引。入面非常大，有好多張枱，好似課室格局。點餐後會有個beeper，響先出去自取野食。喺等野食期間就可以出去拎任食小食，會有一個三格小盤，可以無限出去添食，有薯仔絲、車厘茄、粟米粒、青瓜絲等等。不過個盤好淺，拎的時候要好小心先筆到落個格到。另外，仲有湯都係任添的，不過當日冇哂都冇職員添湯。雖然明知黯然銷雲飯唔會係叉燒，但賣相都好吸引，有煎雙蛋加麵筋扮的叉燒，加埋豉油，其實都幾香幾好味，不過就唔似叉燒質地。呢個泡菜牛肉意粉幾有驚喜，牛肉雖然唔係真的，但依然有肉碎感覺，但味道就淡左少少，唔夠惹味，不過就炒得好乾身。