紅蔥頭 (已結業)

星期六应该系好休闲先系㗎!但系今日为咗一个展览变得一啲都唔休闲，因为呢个展览延迟咗，所以我的午餐就变成下午茶。其实都好耐冇黎过钻石山呀! 变化都几大，呢间红葱头我之前系旺角食过，觉得几好食，咪谂住再试多一次啦! 我由一楼上到三楼， 喺三楼的指示牌睇到系101A号铺，由三楼落返一楼都揾唔到，最后我要去到服务台问一问小姐，佢同我讲原来要穿过马莎百货公司，之后行出个玻璃门就会见到㗎啦! 终于揾到喇! 位置真系都几辟下。枱上有一个下午茶餐牌，另一个差唔多全部都系甜品，三文治的餐牌。芝士焗蜜桃去骨鸡腿配蛋炒饭 $52鸡腿有少少雪味，虽然已经用香料腌制过。 芝士几香，配蜜桃和饭都几开胃。烤棉花糖吐司 $44面包烘得几香脆，有少少咸味，同上面的棉花糖好夹。 好食在系个面包有边位。柠檬茶同咖啡合格。