影片
更多
2019-03-16
47 浏览
因为男朋友钟意食台湾牛肉面，所以我哋都会周围去试牛肉面。好耐之前喺六両三入选Openrice 最优秀尖沙咀开饭热店已经心郁郁想去食，不过见食评话要排成半个钟，当然要等热潮过去先去食。难得前两日有得准时放工，就嚟食噜！大约六点半嚟到，小店已有八成满位，好彩我哋早到，如果唔系，可能要排队！我哋目标好明确-食牛肉面，所以就算见到其他食客嘅鲁肉饭好似好吸引都无改变主意。我叫咗川味红烧牛筋牛肋条面(粗面)。一上枱，就即刻饮啖汤先，果然真系无味精！牛骨汤底有浓郁牛肉同淡淡嘅川辣味，一啲都唔咸，相信真系用咗天然食材！牛筋份量唔少，有成三大旧，腍得嚟仲有少少烟韧，啖啖骨胶原，口感十足！牛肋肉都唔错，几松化！粗面同个汤底好夹，因为个面好有咬口，又挂到汤，所以每啖面都有牛味！男朋友就食咗川味红烧半筋半肉面(细面)。相比我嘅牛肋肉，男朋友嘅牛腱仲松化！我试咗一片，啲筋嘅纹路好均匀，连埋啲肉，完全系入口即化！小食方面，我哋食咗皮蛋豆腐。豆腐整件上，分量十足。个汁都几特别，有少少似日式大阪烧汁，成个配搭好好味！饮品都有惊喜，我哋叫咗冬瓜柠檬茶。个黑糖味好出，但又唔会好甜。配上柠檬好清新，完全估唔到冬瓜茶同柠檬呢
因为男朋友钟意食台湾牛肉面，所以我哋都会周围去试牛肉面。好耐之前喺六両三入选Openrice 最优秀尖沙咀开饭热店已经心郁郁想去食，不过见食评话要排成半个钟，当然要等热潮过去先去食。难得前两日有得准时放工，就嚟食噜！大约六点半嚟到，小店已有八成满位，好彩我哋早到，如果唔系，可能要排队！
川味红烧牛筋牛肋条面(粗面)
$85
30 浏览
0 赞好
0 留言
川味红烧牛筋牛肋条面(粗面)
$85
19 浏览
0 赞好
0 留言
我哋目标好明确-食牛肉面，所以就算见到其他食客嘅鲁肉饭好似好吸引都无改变主意。我叫咗川味红烧牛筋牛肋条面(粗面)。一上枱，就即刻饮啖汤先，果然真系无味精！牛骨汤底有浓郁牛肉同淡淡嘅川辣味，一啲都唔咸，相信真系用咗天然食材！牛筋份量唔少，有成三大旧，腍得嚟仲有少少烟韧，啖啖骨胶原，口感十足！牛肋肉都唔错，几松化！粗面同个汤底好夹，因为个面好有咬口，又挂到汤，所以每啖面都有牛味！
川味红烧半筋半肉面(细面)
$85
16 浏览
0 赞好
0 留言
男朋友就食咗川味红烧半筋半肉面(细面)。相比我嘅牛肋肉，男朋友嘅牛腱仲松化！我试咗一片，啲筋嘅纹路好均匀，连埋啲肉，完全系入口即化！
皮蛋豆腐
$38
13 浏览
0 赞好
0 留言
小食方面，我哋食咗皮蛋豆腐。豆腐整件上，分量十足。个汁都几特别，有少少似日式大阪烧汁，成个配搭好好味！
冬瓜柠檬茶
$23
9 浏览
0 赞好
0 留言
饮品都有惊喜，我哋叫咗冬瓜柠檬茶。个黑糖味好出，但又唔会好甜。配上柠檬好清新，完全估唔到冬瓜茶同柠檬呢个组合咁夹！
到我哋走嘅时候大约七点半，餐厅外已经有一条约十人嘅人龙，原来都仲人气满满！好彩我哋早到先唔使排队。
张贴
