影片
更多
2023-03-24
921 浏览
自从开通左南港岛线后，入香港仔/鸭脷洲就方便好多~ 同家人行完山就黎到西邨街市觅食，估唔到系街市一楼中有间干净企理既大排档，有齐海鲜/中菜/泰菜/潮州野食，仲有新加坡风味既白胡椒蟹食，呢餐有惊喜呀😍餐厅设有室内外座位，装潢以蓝白色为主，几有地中海风情。虽然餐厅位于街市顶楼，但系干净卫生，地方宽敞，用餐环境舒适。♢ 🦀招牌白胡椒蟹 $598我地一行四人都想试招牌菜，果然好正🤤 上菜时铁板发出滋滋声，一斤半重既菲律宾大肉蟹新鲜热辣辣送上🔥 我地著定围裙，望住店员淋上白胡椒汁，烟雾缭绕，香气四溢！厨师好贴心咁将蟹钳破好壳，好轻易就可以食到肥美鲜甜既蟹肉，而且挂满酱汁，微辣既白胡椒味道非常惹味！就算唔食辣都可以轻易carry到~ btw D酱汁咁正唔好浪费，我地叫左几个白饭，用黎捞饭一流！♢ 金沙鲜鱿 $128黎得大排档当然要叫有获气既小炒啦~ 呢碟金沙鲜鱿十分推介！炸粉唔会过厚，香脆可口，鲜鱿爽口弹牙~ 配上金沙咸蛋黄酱咸咸香香咁，好香口！♢ 泰式烧鸡(半只) $138即叫即烧，够哂新鲜热辣辣~ 鸡皮烧至金黄色，带有少少焦香，呢种口感劲正！鸡皮香滑脆身，保持到满满肉料，点埋附送既泰式辣酱更加
餐厅设有室内外座位，装潢以蓝白色为主，几有地中海风情。虽然餐厅位于街市顶楼，但系干净卫生，地方宽敞，用餐环境舒适。
♢ 🦀招牌白胡椒蟹 $598
我地一行四人都想试招牌菜，果然好正🤤 上菜时铁板发出滋滋声，一斤半重既菲律宾大肉蟹新鲜热辣辣送上🔥 我地著定围裙，望住店员淋上白胡椒汁，烟雾缭绕，香气四溢！厨师好贴心咁将蟹钳破好壳，好轻易就可以食到肥美鲜甜既蟹肉，而且挂满酱汁，微辣既白胡椒味道非常惹味！就算唔食辣都可以轻易carry到~ btw D酱汁咁正唔好浪费，我地叫左几个白饭，用黎捞饭一流！
♢ 金沙鲜鱿 $128
黎得大排档当然要叫有获气既小炒啦~ 呢碟金沙鲜鱿十分推介！炸粉唔会过厚，香脆可口，鲜鱿爽口弹牙~ 配上金沙咸蛋黄酱咸咸香香咁，好香口！
♢ 泰式烧鸡(半只) $138
即叫即烧，够哂新鲜热辣辣~ 鸡皮烧至金黄色，带有少少焦香，呢种口感劲正！鸡皮香滑脆身，保持到满满肉料，点埋附送既泰式辣酱更加香口惹味！咁好食其实叫半只唔够分，4个人叫一只应该会充足D~
♢ 马拉盏炒通菜 $88
经典泰式小炒，大量XO酱绝不手软，咸香惹味！通菜新鲜爽脆，送饭一流。
♢ 蓝妹啤酒(大支) $36
呢度咁好气氛饮返杯先~ 酒水价钱都合理，仲配有战斗碗饮酒，好有港式风味！
♢ 青柠梳打 $25
简单一杯青柠梳打清新解渴，怕辣蟹可以点返杯~
♢ 晚市茗茶 $10/位
开茶会收茶钱，另有加一服务费。店员服务唔错，会主动添茶换碟。
张贴
