朝陽軒

营业中

休息中

今日过黎深水埗买野，顺便系附近揾下嘢食，哩到既大街小巷有好多唔同特色既地道小菜餐厅，拣紧食咩嘅时候，见到哩间餐厅有酸菜鱼食，见已经好耐冇食过，所以就入去试一试啦。餐厅座位都算宽阔，而且企理干净，我哋入去嘅时候已经有唔少食客喺度，而我哋当然系拣卡位坐啦😆餐牌上面嘅选择都几多，除左有川菜外，仲有泰菜同唔少小食，而我哋今次就净系叫咗两个主菜。🎈酸菜鱼（配饭）🐟酸菜鱼既份量以午餐黎计，都几大份。而且里面嘅配料相当多，除咗鱼肉之外，仲有娃娃菜、金菇、芽菜同薯粉。个汤味道酸酸辣辣，几过瘾，唔好睇面头好似有好多辣椒同花椒，就以为会好辣，我觉得个辣度适中，不过当然我本身系食得辣㗎啦🤣而佢嘅鱼肉亦好滑，而且无骨，好方便食。🎈农家一碗香（配饭）🐷里面有五花肉、炒鸡蛋同芫荽。五花肉好惹味，又辣又香，但系里面最有惊喜嘅系佢啲炒鸡蛋🥚❗️你冇听错，真系炒鸡蛋！起初我食嘅时候以为系面筋，因为佢劲香脆劲有咬口，用嚟送饭一流，但问完餐厅职员之后先知道原来佢竟然系炒鸡蛋，真系估唔到鸡蛋可以咁样煮。饮品方面，我哋叫咗冻菜蜜同埋冻柠茶，佢既冻菜蜜仲另外加咗柠檬🍋，几好饮。整体黎讲，哩间餐厅真系好食有惊喜，而且性价比高，推介你