和食居

营业中

休息中

讲起湾仔真系大把嘢食，平价高价嘅都有，食物选择又多，我庆幸自己唔系住喺湾仔区，如果唔系一定重多几公斤，成为一个大肥婆。今日去完太原街睇玩具，周边餐厅度度都要排队。大热天时真系咪搞，企多一阵都晕喇！所以就转阵，呢条街仔其实都几多餐厅，唔想食茶记，就拣咗呢间日本定食。骨仔细细，一眼睇晒大约有10张枱。餐牌都系得两页，一面系拉面另一面系丼饭及便当盒仲有一个下午茶，多咗四件炸物及一杯特饮都仲有啲小食嘅我叫咗个细个成日喺八佰伴食嘅滑蛋猪扒饭。想当年八佰伴嘅美食广场，大大碗，够一家四口食嘅拉面🍜同滑蛋猪扒饭就系我常叫！鸡蛋唔够多，所以要有豉油捞饭。猪扒唔系炸得咁有火喉，唔太脆。可以讲，冇炸得咁劲就冇咁热气嘅！男朋友食鳗鱼饭$75一个鳗鱼饭唔知算唔算贵啦，不过肯定好食过吉野家嘅！个鳗鱼都算中厚身，不过不失喇。不过如果可以多啲鳗鱼豉油呢，捞下饭就更加好啦。