影片
更多
2021-06-13
484 浏览
呢一间沾面，可以说是比较早期小小嘅沾面，开咗咁多年，仍然屹立不倒，一定有佢原因。上几次经过深水埗，我都特登过嚟呢间餐厅，但系几次都见好多人排队所以放弃，今晚放工再比次机会佢，见佢出面得五六个人所以就排队，排咗大约30分钟已经有位。入到去好有日本小店嘅味道，只有吧枱，大家可以望到师傅喺度煮面，店舖面积很细，如果我冇记错应该得10个位左右，可能呢度因为煮面嘅关系，店舖安装左四部冷气机，入到去好似雪房一样，而且仲有两三把风扇喺度运行中。呢度只有一个楼面同两个厨房 ，应该系一个大师傅和一个师傅仔，师傅仔就准备面上的 topping，如果师傅就系渌面同埋煮汤。今晚我叫咗个味增沾面，店舖入边有一个水杯比你自己装水，应该系一般嘅过滤水，但，系如果系正式嘅拉面店舖，应该系冻水。一入座，有一个小食俾你，未到正常，但唔知点解佢用一个不锈钢碟，卖相一般。等紧食面期间，见到呢度嘅沾面系热食，另外有一点愕然，因为地道的沾面应该系冻食，咁样嘅话可以食到面嘅爽弹，可能因为要迁就香港人的原因，所以佢就 default 出热面，我见到咁嘅情况即刻问师傅可唔可以冻食，师傅话可以，咁样嘅话梗系转啦。因为呢间面嘅汤底系虾汤，
上几次经过深水埗，我都特登过嚟呢间餐厅，但系几次都见好多人排队所以放弃，今晚放工再比次机会佢，见佢出面得五六个人所以就排队，排咗大约30分钟已经有位。
入到去好有日本小店嘅味道，只有吧枱，大家可以望到师傅喺度煮面，店舖面积很细，如果我冇记错应该得10个位左右，可能呢度因为煮面嘅关系，店舖安装左四部冷气机，入到去好似雪房一样，而且仲有两三把风扇喺度运行中。
呢度只有一个楼面同两个厨房 ，应该系一个大师傅和一个师傅仔，师傅仔就准备面上的 topping，如果师傅就系渌面同埋煮汤。
今晚我叫咗个味增沾面，店舖入边有一个水杯比你自己装水，应该系一般嘅过滤水，但，系如果系正式嘅拉面店舖，应该系冻水。
一入座，有一个小食俾你，未到正常，但唔知点解佢用一个不锈钢碟，卖相一般。
等紧食面期间，见到呢度嘅沾面系热食，另外有一点愕然，因为地道的沾面应该系冻食，咁样嘅话可以食到面嘅爽弹，可能因为要迁就香港人的原因，所以佢就 default 出热面，我见到咁嘅情况即刻问师傅可唔可以冻食，师傅话可以，咁样嘅话梗系转啦。
因为呢间面嘅汤底系虾汤，所以一上枱已经有浓烈的虾味，因为我顾住玩电话，所以冇留意佢加咗啲咩喺上面，但系我估计系虾油，系个沾汁上，再有一啲虾干，汤底无可挑剔。
呢度有叉烧佢系用火枪烧过，诚意十足，因为我见过好多间拉面店，好多时佢都系就咁将块叉烧摆喺拉面上面，没有将叉烧的味道发挥到极限。
呢度有蛋充满酱油的香味，完全唔系死咸𠮶只，有蛋香，而且蛋黄好似啫喱一样，如果我知道咁好食嘅话我一定另外嗌多一只。
对比起汤底，呢度嘅面条我觉得就逊色咗少少，佢嘅挂汤能力一般，同埋面身比较幼，唔似系沾面专用嘅面条，我冇食过呢度嘅拉面，唔通系用同一只面条?
总括来说，呢度嘅沾面可以话水准之上，而且呢度嘅伙计10分有礼貌，价钱来讲CP值都算高，下次有机会我会试埋佢呢度嘅蚝拉面，听闻都好出名下。
小食头盘
5 浏览
0 赞好
0 留言
味增沾面
$79
17 浏览
0 赞好
0 留言
张贴
