拉麵天王

营业中

休息中

餐厅地理位置好好，黄埔港铁站一出行几分钟就到，我本身好钟意食拉面，见到呢度咁多正评梗系要试试！餐厅装修朴实，但系好有日本拉面店嘅感觉，入门口就有长bar枱，可以望住师傅煮面添！黑天王拉面汤底有好浓嘅黑蒜味，我拣咗较硬身嘅拉面，软硬度煮得啱啱好，流心蛋真系好流心，叉烧薄身有入口即溶嘅感觉。豚角煮三个字：好入味！一啖一粒岩岩好。限定天王拉面唔同季节有唔同嘅食材去煮，今次就系用左胡椒再配上芝士，小小辛辣之余拉面又会有芝士拉丝，几特别同好味嘅配搭。煎饺子一上枱就比男朋友食晒，煎得好香脆，饺子馅系用咗椰菜丝配猪肉，好地道嘅日本口味。