金豪酒家

营业中

休息中

想食靓海鲜又唔想下下走到入西贡流浮山，今日有个好推介～位于闹市中央深水埗嘅金豪酒家，小菜靓之余主打嘅海鲜调味一流，食材新鲜😋以下分享吓点咗几味菜式～餐前小菜嚟个冰火辣鱿鱼，鱿鱼爽口弹牙，辣辣地但系由于系冷盘，所以又唔会话辣到食唔到，拿捏得恰到好处非常开胃。芥辣牛柳粒都令我印象深刻，好少会用日式wasabi衬中菜，味道好夹之余仲有味蕾刺激感，嫩滑嘅牛柳粒配衬一种攻鼻感，好有层次口感丰富🤩接下来到主菜蒜蓉粉丝蒸蛏子王，只只超大只又有咬口，下面嘅粉丝吸收晒海鲜嘅精华，加上秘制芡汁，真系食到欲罢不能！面头铺啲蒜蓉爆香，将海鲜嘅鲜味逼晒出嚟～连埋避风塘炒蟹有海鲜孖宝优惠，非常抵食😍炒大肉蟹啖啖肉，而且绝对唔系水蟹好实肉，炒得够晒镬气，又香口又惹味~最后食返个椒盐豆腐同埋啫啫通菜煲清清地，椒盐豆腐炸得外脆内软，里面嘅豆腐仍然好滑锁住水份，外皮干爽脆卜卜，唔会有种好油腻嘅感觉。通菜煲即场放落啫啫煲，咋一声霎时间烟雾弥漫，香气扑鼻，菜亦都好拣手，爽口冇渣👍🏻整体而言，金豪酒家处理一啲大排档中式经典菜式一流，而且仲有啲创意特色小菜，当然主菜海鲜更加令人食过翻寻味，海鲜控万勿错过！