1986地道越南餐廳 (東寶大樓)

营业中

休息中

睇住🔸1986🔸短时间内由小店做起, 而家搬咗去大舖喇, 所以就想去试吓有无分别。环境比旧舖舒适嘅, 不过枱与枱之间嘅距离实在太少, 所以会有d 压迫。🍜 海防蟹膏汤檬粉有2 片扎肉, 2 只大虾同2 粒猪肉丸, 扎肉系普通嘅越式扎肉, 大虾新鲜弹牙, 猪肉丸有惊喜, 我平时好怕食猪肉丸, 觉得有怪味, 不过呢个猪肉丸混合咗冬菇, 唔知系咪手打, 不过好似手打肉丸咁爽口。汤底有浓浓嘅蟹膏味, 好鲜甜, 就咁饮都唔会觉得口干。美中不足系个檬粉份量好少同好碎湿湿…🥖 越式烤猪肉法包包嘅外皮好脆, 夹住嘅烤猪肉好松化, 亦都好入味。份量好充足。🍹 北越椰汁冰咖啡 & 越式奶咖啡比一般咖啡甜, 不过咖啡味香浓, 有越南风味。💭 整体嚟讲, 食物同饮品都好好, 不过如果个檬粉唔好咁碎就再好d, 系值得再食嘅。