牛大人台灣火鍋吃到飽 (偉華中心)

营业中

休息中

又同老婆去食🐮牛大人！日日都超多人，订位方便得多。我哋拣咗澳洲极上和牛 120分钟吃到饱套餐。呢个套餐每人有两粒好出名嘅和牛牛丸，超级juicy好味！加钱仲有得饮台湾Hazy IPA「拨云雾见 蓬莱仙岛。呢款IPA劲有啤酒花苦味，不过同时亦有啲果香。Hazy IPA作为IPA嘅新贵，饮落真系唔错。我哋仲见唔少人会加钱饮珍珠奶茶🧋。阿嬷养生浓汤锅原来系浓郁嘅鸡汤，配菜配肉都啱。又有啲药膳香，味道几温和。牛肉嘅款式都几多。最推和牛M5牛肩。佢卷肉味劲浓，唔会好肥，口感好嫩。章鱼珍珠浆鲜甜又有超多章鱼粒，仲好食过港式墨鱼滑。虾、蚬质素都几好，甜品可拣一杯Haagen Daz雪糕/一碗仙草冻。仙草滑溜，加埋花生、红豆好丰富。