十常八九

营业中

休息中

十常八九系深水埗人气cafe，主打特色饮品、治愈系甜品，加埋个日式木式环境装修，打卡一流啊！舖头偏细，真系得14个位，两张四人榻榻米、三张二人枱仔，要排队真系有排等。咁啱我去果日落雨，唔洗等位🤟🏻不过，我觉得价钱系略贵嘅。*和栗蒙布朗 $88治愈系甜品，即场准备、即场唧栗子蓉，好似一座山咁，系真正嘅mont blanc。最底系蛋白脆饼，脆度依然在，而且唔会太甜。中间系云呢拿雪糕，铺左薄薄一层忌廉，面头就系香浓嘅栗子蓉。为咗维持栗子山嘅外型，栗子蓉挺身，入口偏硬但质地绵滑，而且唔会过甜，但一个人真系食唔晒，强烈建议两个人share。*黄豆黑糖豆乳(热) $48有得拣热或者冻，店员话热嘅豆乳味道会浓郁啲。丸子烟韧嘅口感好唔错，而豆乳已经重豆香，加埋黄豆粉，豆香味再升级，唔会有豆腥味。淡淡嘅黑糖味，所以唔会好甜，啱晒啲「微糖」爱好者。*玄米抹茶鲜奶 (冻) $45第一啖饮到面头嘅厚奶+香浓嘅抹茶味，味道直头系抺茶鲜奶，之后慢慢就会感受到玄米味，不过味道略为甜咗啲。