嘆嘆 (裝修中)

呢间台湾餐厅装修得几靓，有棵仙气满满既大树喺正中央，座位都围住佢放。餐厅职员们斯文有礼。香芒杂杂 $88虽然甜品系最后食，但呢个甜品系重点推介～真心觉得摆盘好靓。有芒果雪糕，芒果千层蛋糕，芒果布丁，仲有用芒果肉卷成两朵玫瑰花。全部都香芒果味，唔会好甜，感觉无落太多糖食得健康啲。叹叹招牌牛肉面 $88有好多牛肉，牛肉都算够淋，面条弹牙得黎唔会硬。汤底浓牛味，白萝卜和红萝卜都索晒啲味，正。叹叹拼盘（大）$128有甜不辣、台湾肠、盐酥鸡，都系香口小食，每样都有各自酱汁沾黎食。呢个拼盘份量系大size, 所以两个人食好够饱肚。清零消脂手工花茶 $48见佢讲有好多好好既功效，例如养血安神、美容养颜、清热润燥、开胃益脾等等，即刻叫黎饮，味道系清香既菊花，我再自己落啲放喺旁边另上既蜜糖，甜甜地会更带出个菊花香，更好入口。