王牌冰室 (南豐紗廠) (已結業)

放假难得一早出到荃湾，揾餐厅想食all day breakfast，好多都起码11点先开，无咩选择，所以就拣咗呢间喺南丰纱厂嘅冰室。冰室装修怀旧，座位与座位之间都宽阔，好多卡位，坐得好舒服。•🥢 沙爹牛肉面配咸牛肉炒蛋潜艇 $56汤底因为超多沙爹酱而偏杰身，好香浓👍🏻面质爽口，沙爹牛肉嘅肉味就正常，唔特别出色。潜艇包烘得几好，味道似甜餐包咁，口感好松软，最正系个包超多芝麻🤩 咸牛肉炒蛋就正常，一个人食哂两样超级饱😆•🥢 香煎烧汁鸡扒劲量早餐 $56呢个餐系有鸡扒配烟肉、火腿奄列、炸薯饼、法兰克福肠、焗豆、丹麦多士。丹麦多士外脆内软，细细块都够食，薯饼系热同脆架，但比较重油溢味同埋无咩薯味👎🏻而法兰克福肠就似蒸出嚟咁，无咩味又唔香口。鸡扒话系煎但似炸，有薄薄一层炸皮包住，味道有啲古怪。