影片
更多
2024-05-06
624 浏览
餐厅比较开阳，但系又唔唔会太嘈整体张枱都几大坐得几舒服餐牌一目了然，晚餐套餐都几多选择，最钟意系佢嘅套餐已经配咗餐包、餐汤南瓜汤同埋沙律，薯仔藜麦田园沙律比起一般嘅沙律落多咗心思，餐包又有牛油同埋果酱，加埋嘢饮百零蚊好合理嘅价钱！同埋店员服务态度都好好，有问又答，感觉几好👍🏻 朋友叫嘅套餐系香草烤鸡半只配鲜茄意粉 🍝 $128 ，鸡嘅份量都几大只，肉都几嫩滑，个皮烤得几香脆唔会油！鲜茄意粉酱汁味道都几好，酸酸甜甜好开胃，配菜嘅西兰花翠玉瓜同埋蕃茄仔都几多汁！我叫左轻煎刺身级带子鲜虾蛋黄忌廉汁手工意粉$168，呢一个写明系手工意粉，同朋友嘅鲜茄意粉比起上嚟更加有咬口，如果钟意质感更加厚嘅意粉就应该叫呢一个，手工意粉酱汁方面比较浓稠食落好香滑，蛋黄忌廉汁质感整体浓郁，好挂面，同手工意粉好夹，带子系刺身级，所以入边好嫩身，好似鱼生咁，只系出边轻轻煎左一下，保留咗新鲜带子嘅嫩滑感，！另外两个人都叫咗一个小食share金沙薯条$78，份量都几多，系脆脆粗薯条🍟 上面有满满嘅咸蛋黄酱，咸咸香香，好邪恶又好好食！仲有香蕉朱古力窝夫🧇，套餐另加$50，同朋友share份量都几足够，本身想食心太软，但因
餐厅比较开阳，但系又唔唔会太嘈整体张枱都几大坐得几舒服
餐牌一目了然，晚餐套餐都几多选择，最钟意系佢嘅套餐已经配咗餐包、餐汤南瓜汤同埋沙律，薯仔藜麦田园沙律比起一般嘅沙律落多咗心思，餐包又有牛油同埋果酱，加埋嘢饮百零蚊好合理嘅价钱！同埋店员服务态度都好好，有问又答，感觉几好👍🏻
朋友叫嘅套餐系香草烤鸡半只配鲜茄意粉 🍝 $128 ，鸡嘅份量都几大只，肉都几嫩滑，个皮烤得几香脆唔会油！鲜茄意粉酱汁味道都几好，酸酸甜甜好开胃，配菜嘅西兰花翠玉瓜同埋蕃茄仔都几多汁！
我叫左轻煎刺身级带子鲜虾蛋黄忌廉汁手工意粉$168，呢一个写明系手工意粉，同朋友嘅鲜茄意粉比起上嚟更加有咬口，如果钟意质感更加厚嘅意粉就应该叫呢一个，手工意粉酱汁方面比较浓稠食落好香滑，蛋黄忌廉汁质感整体浓郁，好挂面，同手工意粉好夹，带子系刺身级，所以入边好嫩身，好似鱼生咁，只系出边轻轻煎左一下，保留咗新鲜带子嘅嫩滑感，！
另外两个人都叫咗一个小食share金沙薯条$78，份量都几多，系脆脆粗薯条🍟 上面有满满嘅咸蛋黄酱，咸咸香香，好邪恶又好好食！
仲有香蕉朱古力窝夫🧇，套餐另加$50，同朋友share份量都几足够，本身想食心太软，但因为太夜去，所以卖晒噜，香蕉上面有焦糖酱外脆内软好香口，带有微微嘅焦苦薄脆面，配上云呢拿雪糕好夹，窝夫系比较厚身，但外层窝夫保持到热度同香脆，食落又会有松软感，加埋忌廉同雪糕好正！
张贴
