泛后甜品 (已結業)

食完圣诞大餐，揸车送阿姨返天水围，一家人顺道去元朗食甜品，走到泛后只有街边枱选择，人多只好坐马路边𠮶张枱。坐低叫咗几个中式糖水，红豆沙、绿豆沙、喳咋，坐坐吓开始有阵阵异味!! 四维望吓，原来马路边水渠口传出臭味而且有好多坑渠积水，渠口盖上两大张报纸我谂应该系想阻挡D臭味!!想转枱当时又无空枱，只好顶硬上忍住食埋D糖水。要知到嗅觉会直接影响味觉，真系有饮紧坑渠水嘅感觉，食咗一半埋单走人!之前试过泛后都OK嘅，今次竟然有咁恶心嘅经验! 下次都系唔嚟元朗食糖水!!