Lex Coffee (已結業)

今晚去咗坚尼地城食晚饭。西营盘越嚟越多好野食，而我就比较钟意Lex Coffee 依间高雅嘅餐厅。食物、甜品好食不特止，饮品选择都好丰富。今晚就食咗以下美食：慢煮西班牙八爪鱼先点咗个小食当前菜品尝。真系唔知八爪鱼都可以用慢煮嘅方法处理，食落都几好味。再加埋脆脆嘅法包片，用佢嚟当前菜，果然无拣错。招牌安格斯高级肉眼牛扒（10盎士）首先想讲嘅系10盎士份量刚刚好，唔会太多食到滞，又唔会太少觉得唔够喉。依份肉眼扒超好食，叫咗5成熟，肉嫩味香。厨司简单地洒上盐，唔使任何花巧调味，再加埋配菜嘅薯仔、蒜头、沙律菜同荞头仔，CP值爆晒表。龙虾意大利饭我次次食risotto，食到尾好多时都觉得好滞好腻，今日食依个龙虾意大利饭完全无依个感觉。risotto好味，龙虾更正。龙虾肉爽弹、仲有只拆哂用嘅大钳添。以为食完？反转个龙虾头，仲有好多虾膏。正到爆。冰摇玫瑰茶点依杯饮品嘅时候，问咗店员会唔会另加咗糖，店员回覆指依款饮品系用咗玫瑰蜜。咁嘅话当然系最好唔好减其甜度啦。嚟到发现，唔系我好惊嘅超甜味，甜度适中，而且好好玫瑰味，简单得嚟又好饮。