福彩海鮮酒家

营业中

休息中

问佢哋侍应拿辣椒油想用嚟点虾饺，问左几次，几个侍应都话会拿来，最后无左件事，等佢哋拿辣椒油等左 20分钟先问到个侍应拿来，D 虾饺已经冻晒，同侍应讲请佢哋帮忙翻热，点知个侍应用劲差态度语气讲话冻晒唔关佢事，因为之前唔系叫佢唔记得拿辣椒油，讲左一轮先肯死死地气拿虾饺翻热。最后食完谂住付款离开，点知佢哋又收错茶位，3个人收了4个人茶钱，问收银佢话又唔关佢哋收银事唔理我哋。后尾嘈佢哋收银先肯揾主任处理。主任话应该系侍应开卡时写错，在点心卡扣反一人茶位，但因为信用卡已付款，要经理嚟先可以取消交易。最离谱系呢个经理 ，收银叫几次咪个经理都无出现（佢哋话得一个经理），问收银可唔可以打电话揾佢，揾都无揾就话收银无佢号码，要退款只有等。企左系到等了半个小时多 D，期间收银或其他员工完全无想帮手的意思，好似等你等到唔耐烦自动走人咁。最后等无可等，叫几咪又无反应，唯有报警请警察协助。神奇的事件发生了，收银之前明明一路都只系我哋问就求其叫下咪叫经理去收银敷衍我哋，然后继续数钱，我同报案中心的电话一收线，收银又突然话有经理电话，仲一打就通。经理几分钟后系唔知边到出左黎，话自己无听到咪，唔知道收银有事，话我哋等