正宗上海生煎皇后麵館 (已結業)

喺深水埗呢间面店装修好特出，今日路过就决定一试。接近一点到，细细舖仔已经大半满人，好彩唔洗等位。入到嚟见到江若琳张相先知道原来系佢开嘅，唔怪得知叫生煎包皇后😂😂餐厅全白装修加上盆栽装饰，感觉好清新，似cafe多啲，都几舒服👍🏻👍🏻👍🏻餐厅有午市套餐，一款主食一款小食自由配搭，都有几多选择！价钱比散叫平啲，仲有埋饮品！我就叫咗招牌猪软骨饭，配油菜，再加咗一个糯米酿鸡翼，饮品就系热豆浆。猪软骨有柚皮，好够焾，食落甜甜地，都几开胃！油菜就够晒大碟，食落都清爽同甜😋😋😋糯米酿鸡翼，都够晒入味！豆浆唔太甜，够晒健康！