小曼谷泰國美食站

营业中

休息中

Family Dinner 今次选择左呢间位于铜锣湾走型格路线既泰国餐厅。一到门口就俾架怀旧火车吸引到，入到里面仲有个迷你夹band位，不过今晚无表演睇。望到厨师应该系泰国人，所以食物系够正宗。冬荫公汤 $158呢个汤必点！味道真系好好味，仲好辣！唔怕辣就衬热饮好正，如果好似我怕辣就摊凉少少先饮，都一样好好味架。里面有两大只虎虾，虾肉弹牙。个汤有火一直热住。泰式马拉盏通菜 $108通菜煮得好好味，虽然要过百蚊，但我觉得值，而且下次帮衬会再点呢个食。泰式猪手饭 $108猪手肉质嫩滑，点埋个泰式甜辣酱好好味。青咖哩海鲜 $128有得选少辣，不过我觉得个辣度都唔少，海鲜有大大只青口，鱿鱼爽口，仲有虾。鲜虾泰国金柚沙律 $128金柚甜，有花生粒，虾弹牙。极上安格斯牛柳粒串 $56有4大粒牛，每粒都用烧熟左既大车厘茄隔住，我觉得一牛柳粒同车厘茄一齐食几好味。鸡软骨串烧 $46有2串，每串有4粒，香口。蒜蓉包 $524大块，脆卜卜，一人一块好开心。