8Five2 Restobar

营业中

休息中

尖沙咀不嬲都好多餐厅，但系都比较少去食墨西哥菜，今日食嘅呢间唔单止嘢食有特色，环境亦都好chill，适合同朋友收工过嚟饮酒吹水放松吓。辣食注意!前菜叫咗个吞拿鱼伴厄瓜多尔酱，serve得非常之型，拎起只碟会有烟雾出，适合打卡，本身谂住前菜应该酸酸地，点知原来系辣㗎，仲要系食完之后会渗出嚟𠮶种辣味，不过好惹味。跟住叫咗素菜墨西哥脆玉米片，份量都唔细，两个人分就差唔多，nachos 配合埋佢嘅Salsa 酱同芝士酱，加埋牛油果酱或者sour cream，好适合一路倾偈一路食。素菜有红椒、黄椒同埋青椒，令到成件事冇咁罪恶健康咗。然后同朋友叫咗一个墨西哥卷饼share，馅系羊肉加豆，因为大家都唔算好大食，食半个应该够饱㗎喇，因为入边都有啲饭，但留意返个卷饼都系辣嘅，今次就应该系tabsco𠮶只辛辣。如果想味道再丰富啲，可以点埋鲜番茄酱。甜品我哋就叫咗一个椰子雪葩，都唔细㗎，所以都系两个人分。食落去清清地，好适合一洗食咗成餐嘅辣味。