麻辣派對 (瑞生酒店) (已結業)

意想不到嘅华丽装潢，加上灯光同色调嘅型格配搭，再以不少特色挂画点缀。真系非一般嘅川菜馆，感觉新潮，增加唔少新鲜感。👍孜然葱爆蒙古羊肉套餐$78真系只可以讲，爱葱爱辣爱羊嘅唔洗考虑，必叫之选。辣度啱啱好，唔会辣到喷火😂。羊肉仲要有少少🤏羊膻味，连埋好多份量嘅京葱，非常好送饭！我另一半真系好钟意，赞不绝口❤️🤣。酸菜江团鱼套餐$78最爱食酸菜鱼，所以每次食亲川菜都系必点菜式，辣度一定至少叫中辣，呢个酸菜鱼好够辣，鱼嘅份量亦唔少，而且够鲜够滑，都系好好送饭嘅选择！红油火鸡肾套餐$68鸡肾份量好多，两个人食都食唔晒。红油辣度适中，配搭青瓜丝提升爽口程度亦令到鸡肾油而不腻。冻蜜语水果茶茶味浓，但亦都唔会盖过水果味😋。大量水果🍉🫐🍎🍈🍋🍊，好似饭后嘅生果盘咁。🤣🤣🤣炖汤上枱嘅时候热辣辣，汤中有浓厚肉味，粉葛煮得非常入口，非一般例汤。麻辣小面饭当然系川菜嘅绝配，但系同时钟意食面嘅我都俾依个麻辣小面吸引到。面质弹牙，唔会系令人失望嘅软林林👍。配以花生🥜提升爽脆度，重点系虽然只系小面，但麻辣做得唔会马虎。