影片
更多
2015-11-27
4499 浏览
先后试过好几间酒吧餐厅，发觉唔单止靠卖酒赚钱，就连做菜嘅水准亦好高，所以，以往欢乐时光嚟嘅客人多数只喺饮吓酒，倾吓偈，依家就见多咗人嚟食饭、聚餐，而且，更多嘅喺三、五成群嘅女生 。最近，又发现到一间做菜好有水准嘅酒吧餐厅，名字好有趣，叫「弥敦左岸」。地铺面积细细，清吧格局俾人饮吓嘢，但上到楼上，环境就截然不同，净喺饮酒又得，用餐食饭都得。餐厅尾设置一个舞台，据店员讲晚上8:00后有乐队助庆，绝对甚有气氛 。初初仲以为去到舞台位置，就喺餐厅尽头，原来别有洞天，如果唔喺去一去洗手间，真唔知舞台侧仲有几组枱，位置较隐蔽，私隐度高，好有自成一角嘅感觉；都仲未算，再行入啲，有个小型娱乐区，有足球机，有美式卓球，里面亦有一排梳化椅，真喺同朋友嚟食吓嘢，吹吓水，笃吓波，都不知几爽 。既然喺酒吧，佐酒嘅小食固然唔少得啦，此外，其他食物款式亦有好多选择，包括沙律、餐汤、意大利饭、意粉、薄饼……等等，睇完之后你都会觉得款式都偏向意菜口味。 凯撒沙律配苏格兰烟三文鱼 $98 凯撒沙律做得简化少少，就喺蛋黄酱捞匀罗马生菜，再加点即刨嘅巴马臣芝士及面包粒，食起嚟清爽而唔会太浓重，反而，烟三文落得唔手
地铺面积细细，清吧格局俾人饮吓嘢，但上到楼上，环境就截然不同，净喺饮酒又得，用餐食饭都得。
餐厅尾设置一个舞台，据店员讲晚上8:00后有乐队助庆，绝对甚有气氛 。
初初仲以为去到舞台位置，就喺餐厅尽头，原来别有洞天，如果唔喺去一去洗手间，真唔知舞台侧仲有几组枱，位置较隐蔽，私隐度高，好有自成一角嘅感觉；都仲未算，再行入啲，有个小型娱乐区，有足球机，有美式卓球，里面亦有一排梳化椅，真喺同朋友嚟食吓嘢，吹吓水，笃吓波，都不知几爽 。
既然喺酒吧，佐酒嘅小食固然唔少得啦，此外，其他食物款式亦有好多选择，包括沙律、餐汤、意大利饭、意粉、薄饼……等等，睇完之后你都会觉得款式都偏向意菜口味。
凯撒沙律配苏格兰烟三文鱼 $98 凯撒沙律做得简化少少，就喺蛋黄酱捞匀罗马生菜，再加点即刨嘅巴马臣芝士及面包粒，食起嚟清爽而唔会太浓重，反而，烟三文落得唔手紧，份量颇多，而且够晒烟熏香，又带点油润。
凯撒沙律配苏格兰烟三文鱼
$98
19 浏览
0 赞好
0 留言
意大利杂菜汤 $48 好多人觉得意大利杂菜汤好普通，其实，做得正宗、足料真喺可以好好饮，记得有次晌外国旅行，就饮过一碗令人难忘嘅杂菜汤。今次晌度饮到嘅，可谓绝不失礼，汤味酸香却有一份菜蔬嘅新鲜感，而且，一啲都无寡嘅感觉，好似饮啲菜蔬精华 。
意大利杂菜汤
$48
26 浏览
0 赞好
0 留言
法式龙虾汤 $68 未入口，闻都闻得到𠮶朕虾香味，个龙虾汤真喺好对办，色泽橙红，鲜虾味极之浓郁，口感顺滑，汤内又有少许龙虾肉，所以，个汤称得上真材实料。
法式龙虾汤
$68
39 浏览
0 赞好
0 留言
北海道鲜带子烟肉露笋蒜片鲍鱼汁扁意粉 $148 虽然个卖相就做得无咁靓，摆碟比较乱，但味道及材料搭够，以鲍鱼汁煮意粉，已经喺个卖点，加埋北海道鲜带子，就更加有吸引力。扁意粉实在煮得有水准，烟韧咬口而入味，而3大粒鲜带子，极具份量，肥大肉厚，鲜嫩爽口 ，配合埋烟肉、露笋、蒜片，令口感同味道都变得层次多咗，值得推介嘅菜式。
北海道鲜带子烟肉露笋蒜片鲍鱼汁扁意粉
$148
39 浏览
0 赞好
0 留言
黑松露菌酱野菌比萨 $138 担心唔够饱肚，所以点咗一客薄饼，睇到佢个餐牌个成份咁写：「黑松露酱、野菌、莫萨里拉芝士、白松露油、洋葱、火箭菜、俄勒岗」，如果个批底唔差，真喺无得输咁滞。的而且确，个薄饼真喺超正，薄底，虽然唔喺「饼干底」，但边位好脆，批心软绵，而味道真喺既幽香，又丰富，菌香纷陈，混和埋绵香嘅莫萨里拉芝士，实在回味 。
黑松露菌酱野菌比萨
$138
38 浏览
0 赞好
0 留言
虽然我哋对酒品一般般，但嚟到啲酒吧餐厅，就蛮喜欢试吓佢哋啲无酒精鸡尾酒，左沟右沟，偶有惊喜。由于欢乐时光去到9:00pm，所以，一般嚟食晚餐都可以用到个非欢乐时光价享用各类饮品。
Mint Pineapple Cooler $48（$68/Non-Happy Hour） 小弟要咗杯以菠萝汁、薄荷糖浆、梳打水打成嘅特饮，菠萝汁喺小弟嘅心水果汁，加入薄荷糖浆，甜蜜中有份凉快爽意，一边食住件薄饼，一边饮住杯特饮，「梳肝」到爆 。
Mint Pineapple Cooler
$48
27 浏览
0 赞好
0 留言
依一杯「惊喜」成份有新觧士多啤梨、菠萝汁、士多啤梨糖浆、牛奶，以其质感，应该喺加冰打成，因为好似沙冰咁，冰冻，富果香，虽未至惊喜，但同样唔错。
蒲吧唔一定唔正经，好似三五知己嚟「弥敦左岸」，滴酒不沾，一样可以食得满意，饮得开心。再者，气氛热闹，有活力，招呼又唔错，食物嘅份量、质素绝对令人觉得物有所值 。
张贴
