影片
更多
2023-06-29
318 浏览
同老婆去完荃湾既千色店扫货之后，打算经过街市街去到众安街果面揾下啲啱心水嘅食店。一出商场，迎接我哋嘅系一种热辣辣嘅感觉，顶住30几度嘅高温，为食又怕热嘅小弟决定加快脚步拣一间心水嘅餐厅，入去饮杯冻饮吹下冷气。经过富华冰室，左望右望，映入眼帘嘅系一张冷面嘅poster。抬头一望，竟然系一个熟悉嘅招牌——坚信号。小弟虽然闲来无事都会帮衬坚信号，但系平时帮衬嘅主要都系热辣辣嘅生煎包、小笼包等传统上海菜小品。潜意识地将佢同「冻冰冰」呢三个字分开得远远的。今次难得有缘，小弟又怕要流连街头寻寻觅觅，又惊行嚟行去兜兜转转都冇啱心水，决定快啲揾个位坐低吹下冷气。一坐上张凳，第一时间即刻拎起手机扫QR code，小弟时间叫咗个冷面（胡麻酱五彩拌冷面），之后见到鸡丝粉皮二话不说，加埋韭菜饺同冻柠茶一并下单。太太则同我选择了一样嘅冷面，配上凉拌青瓜、小笼包以及冻绿茶。落单唔够5分钟，唔同嘅野食已经陆陆续续咁样上齐了，灌汤小笼包一如以往嘅质素，配埋姜丝多汁好食。韭菜饺恰如其分，不过不失。值得一赞嘅系上菜时嘅温度保持得几好，唔会太烫口亦唔会唔够热。至于两个冷盘鸡丝粉皮、凉拌青瓜，呢两个简单嘅小食处理得几好，特别
经过富华冰室，左望右望，映入眼帘嘅系一张冷面嘅poster。抬头一望，竟然系一个熟悉嘅招牌——坚信号。小弟虽然闲来无事都会帮衬坚信号，但系平时帮衬嘅主要都系热辣辣嘅生煎包、小笼包等传统上海菜小品。潜意识地将佢同「冻冰冰」呢三个字分开得远远的。
今次难得有缘，小弟又怕要流连街头寻寻觅觅，又惊行嚟行去兜兜转转都冇啱心水，决定快啲揾个位坐低吹下冷气。
一坐上张凳，第一时间即刻拎起手机扫QR code，小弟时间叫咗个冷面（胡麻酱五彩拌冷面），之后见到鸡丝粉皮二话不说，加埋韭菜饺同冻柠茶一并下单。太太则同我选择了一样嘅冷面，配上凉拌青瓜、小笼包以及冻绿茶。
落单唔够5分钟，唔同嘅野食已经陆陆续续咁样上齐了，灌汤小笼包一如以往嘅质素，配埋姜丝多汁好食。韭菜饺恰如其分，不过不失。值得一赞嘅系上菜时嘅温度保持得几好，唔会太烫口亦唔会唔够热。至于两个冷盘鸡丝粉皮、凉拌青瓜，呢两个简单嘅小食处理得几好，特别系鸡丝粉皮同其他上海菜馆的质素相近，对比所加配的价钱绝对物超所值。
《胡麻酱五彩伴冷面》
终于嚟到今餐嘅主角，五彩冷面一送上餐枱，色彩缤纷令人食欲大增，加上冻冰冰嘅口感，简直色香味俱全，令人食指大动。一啖冷面落肚，既舒服又开胃，配上绝不吝啬的胡麻酱，霎时之间简单嘅餐点变成了精品美食。
五彩冷面，看似制作简单，一注面条，加啲火腿丝、萝卜丝、青瓜丝，做出一啲酱料就大功告成。但系当中所拿捏嘅比例，面条嘅口感，甚至乎不同材料的处理，粗幼长度，其实某程度上都显示到出品的功架。经过今次光顾之后，小弟决定系嚟紧暑假嘅日子经过附近的话会系帮衬生煎包以外，多啲走入去光顾佢嘅冷面。
整体而言，今次不论食物质素、性价比、用餐环境以及员工态度，都是保持住坚信号一如既往嘅水准。
没有惊喜，可能只是因为过往坚信号已经保持优质。
今次连同饮品总共叫咗八样餐点:
鸡丝粉皮
凉拌青瓜
胡麻酱五彩拌冷面 x2
红油韭菜饺走辣
灌汤小笼包
冻茉香绿茶
冻柠茶
餐厅名称：坚信号上海生煎皇 (众安街)
餐厅地址：荃湾众安街37A号荃运楼地下C号舖
光顾日期：2023年6月28日
消费金额：159hkd/ 2ppl
胡麻酱五彩拌冷面
$60
14 浏览
0 赞好
0 留言
鸡丝粉皮, 凉拌青瓜, 红油韭菜饺走辣
12 浏览
0 赞好
0 留言
灌汤小笼包
4 浏览
0 赞好
0 留言
冻茉香绿茶, 冻柠茶
5 浏览
0 赞好
0 留言
张贴
