堅信號上海生煎皇 (將軍澳廣場)

营业中

休息中

话说见到坚信号同天仁茗茶联乘，已经觉得几得意，于是今日就同屋企人去try try。今次crossover带嚟好有创意嘅茶饮、茶汤饭以及小笼包，本人系全部食晒嘅！先讲讲系人都钟意嘅小笼包先啦，今次呢个叫「人参乌龙鸡髀肉小笼包」，用咗天仁嘅人参乌龙茶制成外皮，所以小笼包颜色系呈深啡嘅。肉馅由平时嘅猪肉变成嫩滑鸡髀肉，仲有少量人参，感觉冇咁肥之余仲好养生😂。之后就有「樱花虾蟹籽大虾香片茶汤饭」、「樱花虾矶烧鲍鱼香片茶汤饭」，两款最大嘅分别就系主菜，一个系大虾，一个系矶烧鲍鱼，再配以蟹籽、樱花虾、蟹柳丝、蛋丝、呜门卷，卖相都靓靓仔仔。店员会喺你面前加茶汤，茶汤有淡淡香片味，食落好清新！两款我就比较钟意矶烧鲍鱼，因为够晒大只又入味。之后到「豆浆豆花四季乌龙奶茶」，一啲都唔甜，好啱妈咪饮～里面仲加咗豆腐花，有好浓豆味同四季乌龙清香。店员仲送咗crossover嘅和纸MT畀我哋（原来食联乘套餐有得免费送），整体嚟讲都唔错，有新意。btw我仲食咗生煎包同猪扒葱油拌面，呢两样嘢真系冇得输😂生煎包好多汁，葱油拌面调味啱啱好，仲要系我钟意嘅面条质感。