韓魂

韩魂 SeoulSoul系由韩国人最近开嘅韩式烧肉放题店，环境新净超阔落~叫咗 All You Can Eat Korean BBQ $398/位一开始会上咗前菜同一个肉类拼盘先，全部有晒牌仔话俾你知系咩部位，等你试啱之后可以再嗌。 肉类真系有好多款:美国黑毛安格斯牛颈脊黑毛安格斯牛仔骨韩式黑毛安格斯牛仔骨美国黑毛安格斯牛肩扒美国特级牛五花 （湿式熟成）韩国直送五花肉（湿式熟成）蒜味牛五花肉嘅质素好高水准，似系出边单点烧肉嘅质素，好多时候食放题都会有解冻唔好嘅问题，呢度完全冇，而且几乎全程都有店员喺隔离帮你烧，唔怕一路食唔记得咗烧到啲肉㶶晒！店员仲好细心将油份多嘅肉同油份少嘅肉分开两边烧，可以食到每款肉嘅特色～食到一半，店员会帮每台送上酱油虾同酱油蟹，酱油调味好好唔会太甜，虾蟹都好新鲜，同我喺韩国旅行食𠮶啲真系差唔多～另外仲有好多韩式料理：辣炒猪肉、韩式炒粉丝、韩式汤品。超过60款食物，个胃细啲都试唔到好多款，但胜在每个人都会揾到啱自己口味嘅嘢食～