堅韓燒 (已結業)

星期日入左屯门，朋友迟到有半个钟唔知点打发，所以晌早餐同午餐之间再食一餐，我咁肥系有原因。。。坚石烧/坚韩烧闻名已久，第一次帮衬佢地早餐，见餐牌系一般港式茶记，无咩特别期望下叫了个鸡排辛辣面餐早餐，冻加啡。座位舒适始终系韩烧餐厅唔会太迫。所以环境舒服价钱唔贵，唔知是否平日都一样价钱。如果我唔系叫辛辣面同冻饮，鸡排面餐早餐有牛油多士同饮品只系$35，平过一般茶餐厅。等十分钟送上碗面，竟然有d摆盘，吹涨。太阳蛋上面仲有蕃茜碎。鸡排皮沉在汤仲有少少脆。味道无伏，正正常常无投诉。杯冻啡我叫了走甜，order完有d后悔，因为一般茶记真系唔可以叫走甜既冻咖啡，大多数唔加糖水会劲苦。但呢杯又正正常常。我唔系话超好饮不过绝对比一般茶记好。总结系抵食好座，下次经过开会再黎。