影片
更多
2014-01-05
2145 浏览
我本来对车仔面兴趣不大，但室友喜欢食，身边啲朋友都话呢间车仔面好食，而且谂住顺便去新开间759买八折冻肉，所以同佢行过嚟大角咀食。地点唔难找，成间舖有三个姐姐主理，人手唔系好够，连排队都系自便。大约晚上八点到，排咗二十分钟就有位，而条队就一直都咁长。排队时就八八卦卦望下佢墙上贴咗几张纸写乜，就发现佢话自己系小食店，唔系主卖车仔面。其实有麝自然香，又何须介意？更何况佢个车仔面又唔系差。两个人食咗百二蚊，唔使搭枱（俾咁嘅钱都好应该），地方都企理，干净，真系有别于一般车仔面档。楼面个姐姐好殷勤，都认得有尐街坊好耐无嚟食！坐低咗就开始睇有咩食，有三张点餐纸，一张系车仔面，一张系小食，一张系饮品。车仔面𩠌款式唔多，价钱偏贵，八蚊九蚊系普通肠仔萝卜类，牛腩要十几蚊。张点菜纸写明最少要两𩠌一面，所以入嚟食碗车仔面就一定够十四蚊最低消费。平时食车仔面都系叫三四𩠌都系三十以内，所以见到价钱就只系点两餢。点了萝卜芝士肠配河粉。见Menu写萝卜无渣，就想叫嚟食！咖哩汁要了小辣不加腩汁，今次先试咖哩，再有机会先再试加腩汁。由入座点菜后开始计，差唔多等咗半小时才有食物上枱。有尐尐慢，但见佢得三个人在店内，所以都
两个人食咗百二蚊，唔使搭枱（俾咁嘅钱都好应该），地方都企理，干净，真系有别于一般车仔面档。楼面个姐姐好殷勤，都认得有尐街坊好耐无嚟食！坐低咗就开始睇有咩食，有三张点餐纸，一张系车仔面，一张系小食，一张系饮品。车仔面𩠌款式唔多，价钱偏贵，八蚊九蚊系普通肠仔萝卜类，牛腩要十几蚊。张点菜纸写明最少要两𩠌一面，所以入嚟食碗车仔面就一定够十四蚊最低消费。
平时食车仔面都系叫三四𩠌都系三十以内，所以见到价钱就只系点两餢。点了萝卜芝士肠配河粉。见Menu写萝卜无渣，就想叫嚟食！咖哩汁要了小辣不加腩汁，今次先试咖哩，再有机会先再试加腩汁。由入座点菜后开始计，差唔多等咗半小时才有食物上枱。有尐尐慢，但见佢得三个人在店内，所以都只系可以等，催佢都应该无咩效果！等咗差唔到十几分钟，楼面个姐姐先话啱啱煮到我个碗无晒河粉，转了米粉，亦都知到咗佢地真系一碗一碗慢慢煮。咖哩好香，小辣系真系少少辣，个汤底同个米粉好夹，下次应该可以试中辣。萝卜真系无渣，好甜好入味。芝士肠都唔系一般佳宝货色，收呢个价钱算系诚意之作！米粉量都好足够，唔会好似食其他车仔面咁要加底。
我室友点了劲辣鱼蛋，我觉得呢个鱼蛋系同个辣字一丁点关系都拉唔上关系！既然佢坚称自己唔系车仔面档，系卖小食，咁当然要试小食啦。叫了鱼肉碗仔翅同招牌鲁肉饺。
个鱼肉碗仔翅，要分开鱼肉同碗仔翅讲，个鱼肉系绝对令人失望，系用唔辣鱼蛋剪开就当鱼肉！不过见佢系由22蚊净翅变24蚊有两粒剪开咗嘅鱼蛋，就算啦。至于个翅，有别于街边车仔档𠮶尐好似食粉浆咁，呢度个翅唔会太稠，有好多肉丝同木耳丝，口感好好，木耳丝好爽脆，加上肉丝，有啲似食蛇汤羹咁。佢用咗粉丝，而唔系用素翅都好有口感，值得推介，但系唔会再加鱼蛋。
鲁肉饺44蚊八粒，26蚊两粒，其实系觉得有啲贵，所以只叫四粒试下。嚟到就知佢收咁嘅价钱系咩原因，面头撒上都几多虾籽，都有几条西生菜在底下，卖相几吸引！饺皮有尐厚，又唔系死实实𠮶种隔夜饺，系有啲似北方饺咁，好有质感。一入口就有浓浓嘅虾籽味，虾籽亦都太霸道，完全盖过鲁肉嘅味道。令只饺失色少少，基本上虾籽味道咁浓，只饺只要系好普通嘅肉饺就会系一样。
饮品，都好似有几款特式饮品供应，今次试咗柑桔雪碧。
冰底同支装雪碧分开上，店家自称冰块系Bonaqua嘅。杯内已经有几粒柑桔，都好似好足料！味道中规中矩。
店内还有其他特色小食，但系都未有机会试到。一来唔食面惊唔够饱，二来碗面真系几足料，所以都无咩空间叫其他小食！排队要等，食物要等，价钱如果系食车仔面真系贵贵地，如果食其他小食都尚算合理。
题外话/补充资料：
呀姐姐系一小时内同不同客都强调佢地唔系车仔面档！有少少烦！
(以上食记乃用户个人意见 , 并不代表OpenRice之观点。)
张贴
