尚品墨魚丸大王

营业中

休息中

平时去食潮州粉面，云吞、鱼蛋、牛腩通常都系三大热门选择，而墨鱼丸唔系唔受欢迎，但通常都系双拼或三宝时出现。但元朗嘅尚品墨鱼丸大王就用心制作墨鱼丸，让墨鱼丸成为主角，非常弹牙令人一试难忘。香煎猪扒虽然呢块香煎猪扒望落平平无奇，但用上老板特别介绍咗隐藏食法，块猪扒就变得出奇地好味，就系加上佢哋嘅鱼露。而且因为猪扒系即叫即炸，生炸令肉质保持鲜嫩，带有肉汁，绝对系诚意之作！招牌墨鱼丸汤河既然呢度叫得自己做墨鱼丸大王，又点可以唔试吓呢度嘅招牌墨鱼丸呢！呢度嘅墨鱼丸分别有白色同黑色两款，白色就系普通墨鱼丸，而黑色嘅就系墨汁墨鱼丸。虽然佢哋颜色上有好大分别，但系两款墨鱼丸入口都超级弹牙，仲食到粒粒分明嘅墨鱼粒粒。至于河粉非常滑溜，系店内嘅王牌选择。秘制崩沙牛腩汤河除咗墨鱼丸，牛腩系每一间潮州粉面嘅灵魂。餐厅用上牛腩中嘅极品：崩沙牛腩。崩沙腩连住少少筋膜，肥瘦分明，除咗食到油脂嘅甘香之外，仲带有浓浓嘅肉味，口感软腍。