富記麵家

营业中

休息中

其实想去近期最火嘅湾仔猪杂粉🐷🐷，不过太多人排队，个肚又饿到打鼓，立刻plan B啦！记忆中的富记，系饮食男女一篇关于墨鱼丸的介绍。曾经两次拜访，一次未开工，一次休息，似乎欠点缘份，而且今日带住唔爱墨丸嘅囝囝⋯⋯不过最后都系入咗去，肚饿嘛🤣🤣哥哥食云吞，细佬食牛丸，而我就叫咗杯墨丸河加紫菜。哥哥话云吞正常好味，但冇惊喜，近排紧系食得好嘢多，十岁就咁串咀😎细佬话牛丸好好味，仲请爹哋食一粒。正如哥哥所讲，云吞正常嘅，不过汤底就冇惊喜。牛丸好好味㖞，汤底略带一点萝卜味，之后我哋都有问老板娘，佢话啲牛丸系交返嚟嘅，不过真系好有水准。至于我𠮶碗墨丸河，墨鱼丸真系冇得顶，松软中又带少少弹性，食得出鲜味，连不甚喜爱墨丸嘅哥哥都话正！严格嚟比较，俾我最爱深水埗𠮶间仲要略胜一筹！今日嘅感觉系「塞翁失马焉知非福」！