Burger Mix (已結業)

喺太古坊番工，间唔中都会嚟呢间食Burger，贪佢啲汉堡有牛味得嚟又唔会太贵，食套餐选择较大型连锁店稍为特别少少之余，配搭较多元化，如可拣配汽水既选择唔系只得可乐﹑雪碧，仲有Lemon C+﹑台式饮品可拣，又可以食粟米唔食薯条，就算食番薯条都好味过老牌连锁店呀！所以呢间Burger Mix由最开初得3个吧位既细舖搬左嚟呢间大舖不无道理。只可惜，刚过去既周四晚帮衬时发现汉堡质素退步了。一如以往我都系拣芝士安格斯牛肉汉堡，走葱走茄走瓜，包ready，松软度OK，但咬落去，啲牛味唔见左，同以前差好远，连锁店既孖芝都已经浓过佢呢！看来，我以后可以悭番啲钱，食番孖芝算了呢！