茜廊餐廳 (德福廣場1期)

营业中

休息中

早餐时间快过，先问问侍应仲有无早餐供应，答案是有的，立即坐低嗌个次次都食既罗宋汤通粉配鸡肉。罗宋汤通粉周街都有，但茜廊个汤底都整得算系出色，唔系普通既番茄味沟水，仲食到粒西芹同红萝卜粒，带一点微辣，好惹味。加上佢系猫耳形状既通粉，索晒汤汁。鸡肉块微微煎过，又有啲黑椒碎，十分香口。炒蛋多士正常发挥，炒蛋唔会好水，五谷面包感觉颇健康。热柠水够多柠檬，足足有五片，其他用柠檬汁既集团式茶记真系无得比，唯一缺点就系早餐都要加一。